सहकारी बैंकद्वारा सहकारी संस्थाका कर्मचारीहरूको क्षमता अभिवृद्धि तालिम सञ्चालन

ललितपुर । राष्ट्रिय सहकारी बैक लिमिटेड उर्लाबारी शाखाद्वारा आयोजित दुई दिवसीय सहकारी संस्थामा कार्यरत कर्मचारीहरू (बजार प्रतिनिधि) को क्षमता अभिवृद्धि तालिम बुधवार सकिएको छ ।

फाल्गुण ९ र १० गते सञ्चालन भएको तालिममा सहकारी संस्थामा कार्यरत कर्मचारीहरूको क्षमता अभिवृद्धि गरी संस्थाको साख र गरीमा वृद्धिमा कर्मचारीहरूलाई सरिक बनाई छिटो छरितो, गुणस्तरीय र प्रविधियुक्त सेवा सञ्चालनका लागि कर्मचारीहरूलाई दक्ष बनाउने उद्देश्यले आयोजना गरिएको बैंकले जनाएको छ ।

तालिम कार्यक्रममा त्यस क्षेत्रका ४८ वटा सहकारी संस्थाका ६० जना कर्मचारीहरूको सहभागिता रहेको थियो । तालिम कार्यक्रमको सहजिकरण बैंकको तालिम विभागका सहायक अधिकृत राजकुमार बरालले गरेका थिए । कार्यक्रमको उद्घाटन बैंकको उर्लाबारी शाखा समन्वय उपसमितिका संयोजक देवेन्द्र पौडेलले गरेका थिए ।

सो अवसरमा बोल्दै उहाँले सहकारीका बजार प्रतिनिधिहरूले सहकारीको ख्याति वृद्धि गर्नुपर्ने र उनीहरूको क्षमता विकासका लागि तालिम तथा शिक्षाका कार्यक्रमहरू सहकारी संस्थाहरुले वार्षिक रूपमा व्यवस्था गर्नुपर्ने बताए । कार्यक्रम समापनको सञ्चालन बैंकको उर्लाबारी शाखाका प्रमुख विनोद चुडालले गरेका थिए ।

कार्यक्रम सम्पन्न पश्चात् सहभागीहरूले यस तालिमले आफूमा उच्च मनोबलका साथ संस्थामा दैनिक कार्य सम्पादन गर्न सहज भएको बताएका छन् । पछिल्लो समय सहकारीमा एकपछि अर्को चुनौती र समस्याहरू बढ्दै गएकोले सदस्यहरूलाई सहकारीबारे बुझाउन पनि तालिमले सहयोग पुगेको उल्लेख गरेका छन् ।

थप समाचार

काठमाडौं आइपुगे भारतका विद्युत् मन्त्री

राजनीतिमा आउने कुलमानको तयारी, उर्जामन्त्रीले अनावश्यक दुख दिएको आरोप

भिट्ठामोड सुख्खा बन्दरगाह निर्माणमा सहयोग गर्ने प्रचण्डको प्रतिबद्धता

ह्वात्तै बढ्यो सुनको मूल्य, आज कतिमा हुँदैछ कारोबार

सिमेन्टमा भारी मूल्य बृद्धि हुँदा पनि सरकार बेखबर, निर्माणको सिजनमा…

बक्यौता महसुल उठाउन कुलमानलाई थप सजिलो,मन्त्रालयले पठायो पत्र