जम्मू कश्मीरको सत्तामा नेशनल कन्फ्रेन्सको पुनरागमन

काठमाडौं । जम्मू–कश्मीरकको सत्ता राजनीतिमा फारुक अब्दुल्लाहको नेशनल कन्फ्रेन्स पार्टीले जबरजस्त पुनरागमन गरेको छ । मेहबुबा मुफ्तीको पिपुल्स डेमोक्रेटिक पार्टी (पीडीपी) लाई मतदाताले अस्वीकार गरेका छन् । साथै तामाम प्रयासका बाबजुद भारतीय जनता पार्टी भाजपाले जम्मू क्षेत्रमा फैलिन सकेन ।

९० सदस्यीय विधानसभाका लागि भएको चुनावमा नेशनल कन्फ्रेन्स–कांग्रेस गठबन्धनले प्रष्ट बहुमत पाएको छ । जम्मू कश्मीरमा दश वर्षपछि विधानसभा चुनाव भएको थियो । पछिल्लो पटक बीजेपी र पीडीपीले मिलेर सरकार बनाएका थिए । मेहबुबा मुफ्ती मुख्यमन्त्री बनेकी थिइन् । तर यो सरकारले ५ वर्ष पूरा गर्न सकेन ।

अगष्ट २०१९ मा भारतीय संविधानको आर्टिकल ३७० हटाएर जम्मू कश्मीरको विशेष राज्यको दर्जा खारेज गरेर केन्द्र प्रशासित प्रदेश बनाइयो र केन्द्रीय शासन लागू भयो । त्यसपछि पहिलो पटक चुनाव भएको हो । भारतीय निर्वाचन आयोगका अनुसार नेशनल कन्फ्रेन्स एक्लैले ४२ सिट जितेको छ भने कांग्रेसले ६ सिट जितेको छ । कम्युनिस्ट पार्टी अफ इण्डिया, आम आदमी पार्टी र जम्मू कश्मीर पिपुल कन्फ्रेन्स (जेपीसी) ले १–१ सिट जितेका छन् ।

थप समाचार

संसद, सिंहदबार जलाउनेहरुलाई महानायकको रुपमा प्रश्तुत गरिएको थापाको आरोप

एमसीसी खारेज गर्न हर्कराज राईको माग

भदौ २३ र २४ गते घटनाका दोषीलाई कारवाही हुनुपर्छः कांग्रेस

संसदको बैठकमा रविको सन्देशः संख्याकै बलमा प्रतिशोध हुँदैन, सुशासनको वेग…

सरकारी विज्ञापन सरकारी सञ्चारमाध्यममा मात्र प्रकाशन गर्न सरकारको पत्राचार,पत्रकारहरुको बिरोध

काठमाडौं महानगरले वैशाख १ देखि रात्रिकालीन बस सेवा सञ्चालन गर्ने