Techie IT
  • १ असार २०८१, शुक्रबार
KhojPatrika

पशुपति माध्यामिक विद्यालयमा एक पूर्व विद्यार्थीद्वारा अक्षयकोष स्थापना


रुकुमपश्चिम । पशुपति माध्यामिक विद्यालय रातामाटा रुकुम पश्चिममा विद्यालयका पूर्व विद्यार्थी सिर्जना शर्माले लामो समय शिक्षण पेशा अंगालेर सेवा निवृत्त हुनुभएका आफ्ना पिता नारायणप्रसाद शर्माको सम्मान र माता स्वर्गीय त्रिपुरादेवीको सम्झनामा पशुपति माध्यामिक विद्यालयको ५९ औं वार्षिकोत्सव समारोहको अवसरमा एक लाख एक हजार एक सय एघार रुपैयाँको अक्षयकोषको स्थापना गरेकी हुन ।

शर्माले मुसिकोट नगरपालिका वडा नं २ मा रहेको पशुपति माध्यामिक विद्यालय रातामाटामा सिनात्रि (सिर्जना, नारायण त्रिपुरा) अक्षयकोष २०८१ स्थापना गरेकी हुन ।

उक्त कोषबाट हरेक वर्ष माध्यामिक शिक्षा परीक्षा (एसइई) मा उत्कृष्ट अंक ल्याउने एकजना छात्रा, छात्र र मुसिकोट नगरपालिकाभित्रका उत्कृष्ट कार्यसम्पादन गर्ने एकजना शिक्षक वा शिक्षिकालाई अक्षयकोषको लाभांशबाट प्राप्त हुने रकम वितरण गरिने छ ।

अक्षयकोष वापतको रकम र अक्षयकोष संचालन कार्यविधि विद्यालयका प्रधानाध्यापक घनश्याम बुढाथोकीलाई बुवा नारायणप्रसाद शर्माले हस्तान्तरण गरेका थिए ।

उक्त कार्यक्रममा विद्यालयको पुस्तकालयका लागि सिर्जना शर्माद्वारा पचास थान पुस्तक पनि हस्तान्तरण गरिएको विद्यालयका शिक्षक दामोदर शर्माले जानकारी दिए । २०२२ सालमा स्थापना भएको बिधालयले विभिन्न कार्यक्रम गरी ५९ औं वार्षिकोत्सव मनाएको छ ।


क्याटेगोरी : जीवनशैली, देश/दुनियाँ, प्रमुख समाचार, विचार/लेख, समाचार, सामाजिक सञ्जाल
ट्याग : #पशुपति माध्यामिक, #पूर्व विद्यार्थी, #सिर्जना शर्मा

तपाईको कमेन्ट लेख्नुहोस्