टाटाको आधिकारिक बिक्रेता सिप्रदीको बद्मासी,नयाँ भनेर पुराना गाडी बेच्दै

खोज पत्रिका मङ्लबार, २०८१ जेष्ठ १, ०८ :१९ बजे

काठमाडौं । नेपालका लागि टाटाको आधिकारिक बिक्रेता सिप्रदीले बद्मासी गरेको तथ्य पत्ता लागेको छ । सिप्रदी ट्रेडिङले नयाँ भनेर पुराना सवारी साधन बिक्री गरेको भन्दै काठमाडौँ महानगरपालिकाले ४ वटा सवारीसाधन फिर्ता गरेपछि बद्मासी भएको तथ्य फेला परेको हो ।

महानगरपालिकाले पत्रकार सम्मेलन गर्दै सिप्रदीले नयाँ भन्दै पुराना गाडीहरु बिक्री गरेको प्राविधिक परीक्षणका क्रममा पाइएको जानकारी गराएको हो ।

नेपालका लागि टाटाको आधिकारिक बिक्रेता सिप्रदीले नयाँ भनेर महानगरपालिकालाई ६ वटा सवारी बिक्री गरेको तर ४ वटा भने पुराना रहेको पत्ता लागेको महानगरपालिकाका प्रवक्ता नविन मानन्धरले जानकारी दिए ।

उनले महानगरले खरिद गरेका ६ वटा टिपरकै ब्लू बुकमा उत्पादन वर्ष २०२२ उल्लेख गरेको तर ४ वटा टिपरको उत्पादन वर्ष २०२१ रहेको पाइएको बताएका थिए । महानगरले सिप्रदीलाई गाडी फिर्ता लैजान आग्रह गरेको पनि बताइएको छ ।