Techie IT
  • १२ वैशाख २०८१, बुधबार
KhojPatrika

राष्ट्रिय सहकारी बैंकको १९ औं वार्षिक साधारण पुस १६ गते


काठमाडौं । राष्ट्रिय सहकारी बैंक लिमिटेडको १९ औं वार्षिक साधारण सभा पुस १६ गते हुने भएको छ । शुक्रवार बसेको बैंक सञ्चालक समिति, लेखा सुपरिवेक्षण समिति, विज्ञ समूह र उप–समितिको संयुक्त बैठकले पुस १६ गते शनिवार एकाइगत रुपमा गर्ने निर्णय भएको हो ।

साधारण सभा सात वटै प्रदेशहरूमा सहकारी संघ–संस्थाका प्रतिनिधिहरूको भौतिक उपस्थितिमा एकै दिन सम्बन्धित प्रदेशहरुमा गर्ने अध्यक्ष केबी उप्रेतीले जानकारी दिए । गत वर्षको साधारण सभा सातै प्रदेशहरूमा फरक–फरक दिनमा गरेका थियौ, यो पटक नयाँ अभ्यासका रुपमा एकै दिन गर्न लागेकोले धेरै भन्दा धेरै प्रतिनिधिहरूको सहभागिता रहने अपेक्षा गरेको उनले बताए ।

बिहान भर्चुअल रुपमा साधारणसभाको शुरुवात गर्ने, प्रदेश स्तरीय एकाई सभामा उपस्थित सम्बन्धित प्रदेशका प्रतिनिधिहरुले प्रस्तावहरु पारित गरेपछि निर्वाचन कार्यक्रम अगाडि बढाइनेछ ।

प्रदेश नं. १ को बिरानगर, मधेश प्रदेशको जनकपुर, बागमती प्रदेशको काठमाडौं, गण्डकी प्रदेशको पोखरा, लुम्बिनी प्रदेशको बुटवल, कर्णाली प्रदेशको सुर्खेत र सुदुरपश्चिम प्रदेशको धनगढीमा साधारणसभा गरिने छ । साधारण सभाको एकाइ बैठकका प्रतिनिधिहरूको निर्णय प्रमाणित गर्ने सभा केन्द्रीय पुस १८ गते काठमाडौँमा गर्ने निर्णय भएको छ ।


क्याटेगोरी : अर्थ, देश/दुनियाँ, प्रमुख समाचार, समाचार

तपाईको कमेन्ट लेख्नुहोस्