शनिबारबाट युरोकपको नकआउट चरणका खेल, यी हुन प्रतिस्पर्धी टिम

खोज पत्रिका शुक्रबार, २०७८ असार ११, १० :३३ बजे

काठमाडौं । युरोपका विभिन्न ११ शहरमा जारी १६ औं संस्करणको युरोकप फुटबल अन्तर्गत नकआउट चरणका खेल शनिबारबाट हुँदैछन् । बुधबार रातीबाटै समूह चरणका खेलहरु सकिएसँगै अन्तिम १६ मा पुग्ने टिमको एकिन भएको हो । नकआउट चरणमा १६ टिमले स्थान बनाएका छन् ।

६ समूहको शीर्ष दुई र समूहको तेस्रो स्थानमा प्राप्त गर्ने मध्येका उत्कृष्ट चार टिमले अन्तिम १६ को यात्रा तय गरेका हुन् । यस पटक साविक विजेता पोर्चुगल, उपविजेता फ्रान्स, इटाली, जर्मनी, वेल्स, डेनमार्क,अष्ट्रिया, नेदरल्यान्ड्स, चेक रिपब्लिक, बेल्जियम, क्रोएसिया, स्पेन, स्विट्जरल्यान्ड, इंग्ल्यान्ड, युक्रेन र स्विडेनले नकआउट चरणमा आफूलाई सुरक्षित गरेका छन् ।
यी हुन् अन्तिम १६ का प्रतिद्वन्दी
वेल्स विरुद्ध डेनमार्क
इटाली विरुद्ध अष्ट्रिया
नेदरल्यान्ड्स विरुद्ध चेक रिपब्लिक
बेल्जियम विरुद्ध पोर्चुगल
क्रोएसिया विरुद्ध स्पेन
फ्रान्स विरुद्ध स्विट्जरल्यान्ड
इंग्ल्यान्ड विरुद्ध जर्मनी
स्विडेन विरुद्ध युक्रेन