२ हजार ८ सय २८ जनामा कोरोना संक्रमण, ५२ जनाको मृत्यु

खोज पत्रिका बुधबार, २०७८ असार २, १७ :०४ बजे

काठमाडौं । पछिल्लो २४ घण्टामा नेपालमा २ हजार ८ सय २८ जना कोरोना संक्रमित थपिएका छन् । ८ हजार ६ सय ८७ वटा नमुना पीसीआर परीक्षण र ४ हजार ३ सय ३५ एन्टीजेन परीक्षण गर्दा ती संक्रमित थपिएको बुधबार आयोजित नियमित प्रेस ब्रिफिङमा स्वास्थ्य मन्त्रालयका प्रवक्ता कृष्णप्रसाद पौडेलले उक्त जानकारी दिए ।

कूल पीसीआर परीक्षणमध्ये संक्रमित दर १९ प्रतिशत पुगेको छ । बुधबार ५२ जनाको कोभिडको कारण ज्यान गएको छ । कूल मृतक संख्या ८ हजार ५ सय ५८ पुगेको छ । ३ हजार ८२ जना निको भएका छन् ।

निको हुने प्रतिशत ८८ दशमलव ४९ छ । पीसीआर परीक्षणबाट ६ लाख १४ हजार र एन्टीजेन विधिबाट गरिएको परीक्षणमा २३ हजार २ सय १७ कूल संक्रमित संख्या पुगेको छ ।

क्याटेगोरी : देश/दुनियाँ, प्रमुख समाचार, समाचार
ट्याग : #कोरोना संक्रमित