Techie IT
  • ७ कात्तिक २०७८, आईतबार
KhojPatrika

इजोनमा नयाँ कार्यसमिति, अध्यक्ष प्रकृति अधिकारी सहित ११ जना निर्बिरोध


काठमाडौं । शिक्षा पत्रकार सञ्जाल नेपाल (इजोन) ले शनिबारबाट नयाँ कार्यसमिति पाएको छ । सातौ अधिवेशनले गोरखापत्रका प्रकृति अधिकारीको अध्यक्षतामा एघार सदस्यीय कार्यसमिति निर्वाचित गरेको हो ।

कार्यसमितिको उपाध्यक्ष, महासचिव, कोषाध्यक्ष र सचिवमा क्रमशः अन्नपुर्ण पोष्टका सूर्यप्रसाद पाण्डे, द काठमाडौ पोष्टका विनोद घिमिरे, नेपाल टेलिभिजनका रविचन्द्र पराजुली र रेडियो कान्तिपुरकी पार्वता चौधरी निर्विरोध निर्वाचित भएका छन् । सदस्यहरुमा घामछाँया डटकमका रुपेश आचार्य, द राइजिङ नेपालकी मञ्जिमा ढकाल, राष्ट्रिय समाचार समितिका विष्णु नेपाल, अभियान दैनिककी दुर्गा लामिछाने, राजधानी दैनिकका प्रशान्त ओली, प्राइम टेलिभिजनका दीपक अर्याल निर्वाचित भएका छन् ।

प्रमुख निर्वाचन आयुक्त अभिभावक महासंघका अध्यक्ष शुप्रभात भण्डारी र निर्वाचन आयुक्त राजेन्द्र उप्रेतीले पद तथा गोपनियताको सपथ ग्रहण गराएका थिए । अधिवेशन अघिको साधारण सभामा महासचिव सूर्यप्रसाद पाण्डेले संस्थाको सांगठनिक र कोषाध्यक्ष विनोद घिमिरेले आर्थिक प्रतिवेदन पेश गरेका थिए ।

अधिवेशनमा इजोनका सल्लाहकार ईश्वरराज ढकाल र भवानीश्वर गौतम, अभिभावक महासंघका अध्यक्ष भण्डारीले शुभकामनासहित नव निर्वाचित कार्यसमितिलाई बधाई ज्ञापन गरेका थिए ।


क्याटेगोरी : देश/दुनियाँ, प्रमुख समाचार, समाचार
ट्याग : #शिक्षा पत्रकार सञ्जाल

तपाईको कमेन्ट लेख्नुहोस्