Techie IT
  • ५ कात्तिक २०७८, शुक्रबार
KhojPatrika

पर्सामा लागुऔषध कारोबारीको भागाभाग, १ लाख १० हजार भारतीय रुपैयाँ बरामद


काठमाडौं । पर्साको जगरनाथपुर ६ स्थित मनियारीमा लागुऔषध कारोबारीको भागाभाग भएको छ । कारोबारी भाग्दा १ लाख १० हजार भन्दा बढी भारतीय रुपैयाँ सशस्त्र प्रहरीले बरामद गरेको छ । मनियारीस्थित एक विद्यालयमा लागुऔषध, गाँजा र चरेसको कारोबार भइरहेको विशेष सूचनाको आधारमा पोखरीयाका सशस्त्र प्रहरी निरीक्षक हरित बडुवालको नेतृत्वमा गएको टोलीले १ लाख १० हजार ६ सय ५० भारतीय रुपैयाँ बरामद गरेको हो ।

तीन/चार जनाको समूहमा रहेको कारोबारीहरु शनिबार बिहान साढे ९ बजे सशस्त्र प्रहरी घट्नास्थल पुग्नेवितिकै पैसा छाडेर फरार भएको सशस्त्र प्रहरी निरीक्षक बडुवालले जानकारी दिए । फरार भएकाहरुको खोजी कार्य जारी रहेको बताइएको छ । बरामद गरिएको रकम आइतबार आन्तरिक राजश्व कार्यालय पथलैयामा बुझाइने सशस्त्र प्रहरीले जनाएको छ ।


क्याटेगोरी : देश/दुनियाँ, समाचार
ट्याग : #breeking, #सशस्त्र प्रहरी

तपाईको कमेन्ट लेख्नुहोस्