धादिङमा बस दुर्घटना तीन जनाको मृत्यु

खोज पत्रिका शुक्रबार, २०७६ साउन २४, ०५ :५१ बजे

धादिङ २४ साउन । सर्लाहीको मलंगवाबाट काठमाडौं आउँदै गरेको बस धादिङमा दुर्घटना हुँदा कम्तिमा तीनजनाको मृत्यु भएको छ । दुर्घटनामा १६ जनाभन्दा धेरै घाइते भएका छन् भने एकदर्जनभन्दा धेरै हराईरहेका छन् । ना ६ ख ७४६९ नम्बरको रात्रिबस शुक्रबार बिहान ३ बजे धादिङको बेनी रोराङ गाउँपालिका–३, सलाङघाटमा दुर्घटना भएर त्रिशूलीमा खसेको धादिङ नेपाल प्रहरीका एसपी राजकुमार बैदवारले बताए । दुर्घटनामा परि १६ जना घाइतेहरुको धादिङ र काठमाडौंका अस्पतालमा उपचारको क्रममा पठाइएको जिल्ला प्रहरी कार्यालय, धादिङले जनाएको छ । बसमा कति यात्रु थिए भन्ने एकिन नभएको एसपी बैदवारले बताए ।

क्याटेगोरी : देश/दुनियाँ, प्रमुख समाचार, समाचार
ट्याग : #dhading news