अर्थप्रमुख समाचारसमाचार

मौद्रिक नीति बुधबार ल्याउने सरकारको तयारी

0

काठमाडौं ८ साउन । सरकारले बुधबार मौद्रिक नीति ल्याउने तयारी गरेको छ । चालु आर्थिक वर्षका लागि बजेट सार्वजनिक भएको करिब दुई महिनापछि नेपाल राष्ट्र बैंकले आर्थिक वर्ष २०७६–७७ को मौद्रिक नीति ल्याउन लागेको हो । यसका लागि अहिले राष्ट्र बैंक सञ्चालक समितिको बैठक बसिरहेको छ । बैठकले पास गरेपछि मौद्रिक नीति सार्वजनिक हुनेछ । बिग मर्जरका लागि प्रोत्साहन प्याकेज घोषणा गर्ने तयारी राष्ट्र बैंकको छ। नेपाल राष्ट्र बैंकले एक वर्षभित्र मर्जरमा जाने बैंकहरुलाई दुई वर्षसम्म स्प्रेड दरमा सहुलियत दिने तयारी गरेको छ । कति सहुलियत दिने भन्ने विषयमा राष्ट्र बैंक सञ्चालक समितिको बैठकले टुंगो लगाउनेछ । बैंकहरूको सेवा शुल्क घटाउन निर्देशन दिएको राष्ट्र बैंकले बैंकहरूका लागि अन्य सुविधा पनि दिने जनाएको छ। राष्ट्र बैंकले पुँजी, कर्जा र निक्षेप अनुपात घटाउने वा हटाउने तयारी गरेको छ। राष्ट्र बैंकले लघुवित्तीय संस्थाहरुलाई पनि मर्जरमा लैजान प्रोत्साहन गर्ने नीति ल्याउने भएको छ । जेठ १५ मा बजेट आएपछि असार पहिलो सातासम्म मौद्रिक नीति ल्याइने भए पनि यस पटक बैंकहरुको बिग मर्जरका कारण ढिलाइ भएको हो ।

योगेश भट्टराईले दिए नेतृत्वलाई पाँच सुझाब

Previous article

संसदमा बाढी पहिरो र डुवानबारे छलफल, भारतसँग कुरा गर्न देउवाको आग्रह

Next article

You may also like

More in अर्थ