अपराजित रहँदै कर्णालीले जित्यो एभरेस्ट महिला भलिबल लिगको उपाधि

खोज पत्रिका शनिबार, २०८१ अशोज १९, २१ :१३ बजे

काठमाडौं । एभरेस्ट महिला भलिबल लिगको उपाधि कर्णाली यश्वीजले जितेको छ । त्रिपुरेश्वरस्थित राखेपको कभर्ड हलमा भएको फाइनलमा ललितपुर क्विन्सलाई ३–२ को सेटमा पराजित गर्दै कर्णालीले उपाधि जितेको हो ।

पहिलो सेट १७–२५ र दोस्रो सेट २०–२५ ले गुमाएको ललितपुरले पुनरागमन गर्दै तेस्रो र चौथो सेटमा जित निकालेको थियो । उसले तेस्रो सेट २५–१२ र चौथो सेट २५–१८ आफ्नो पक्षमा पार्दा खेल पाँचौं सेटमा धकेलिएको थियो ।

निकै प्रतिस्पर्धात्मक पाँचौं सेटमा १५–१३ ले आफ्नो पक्षमा पार्दै कर्णालीले उपाधि रक्षा गर्‍यो ।

क्याटेगोरी : खेलकुद, प्रमुख समाचार, राजनीति, समाचार, सामाजिक सञ्जाल