नेपालीको उद्धारका लागि परराष्ट्र मन्त्रीसहितको टोली इजरायलमा

खोज पत्रिका बिहिबार, २०८० अशोज २५, १३ :४८ बजे

काठमाडौं । परराष्ट्र मन्त्री एनपी साउदसहितको टोली नेपालीलाई उद्धार गर्न इजरायल पुगेको छ ।

बुधबार राति इजरायल उड्ने भनिएको नेपाल एयरलाइन्सको जहाज बिहीबार बिहान ४ बजे त्यसतर्फ प्रस्थान गरेको परराष्ट्रमन्त्रीको सचिवालयले जानकारी गराएको हो ।

उक्त जहाजले इजरायलमा उद्धार पर्खिरहेका विद्यार्थीलाई स्वदेश फर्काउने छ। सरकारले इजरायलबाट स्वदेश फर्कन चाहने नेपालीको हवाई खर्च बेहोर्ने छ।

इजरायलमा मृत्यु भएका १० नेपालीको शव भने तत्काल नआउने भएको छ। हमलामा मृत्यु भएका १० विद्यार्थीको शव नेपाल आइपुग्न अझै केही समय लाग्ने परराष्ट्र मन्त्रालयले जनाएको छ।