सहकारी क्षेत्रमा देखिएको समस्यालाई सबै मिलेर समाधान गरौँ

काठमाडौं । राष्ट्रिय सहकारी बैंकले सुर्खेतको वीरेन्द्रनगरमा आयोजनामा गरेको सहकारीको वर्तमान अवस्था, वित्तीय पहुँच तथा भावी कार्यक्रम” विषयक छलफल भएको छ । कार्यक्रममा सहभागी सरोकारवालाहरूले सहकारी क्षेत्रमा देखिएको सबै खाले समस्याहरूलाई सबै मिलेर समाधान गर्नु पर्नेमा जोड दिएका छन् ।

कार्यक्रमका प्रमुख अतिथि एवम् राष्ट्रिय सहकारी बैंकका अध्यक्ष के.बी.उप्रेतीले सहकारीको पैसा कम्पनी र कम्पनीको पैसा सहकारीमा जाने कार्यलाई रोक्नु पर्ने बताए । सरकारले सहकारीका बचत कर्ताहरूलाई सहकारीहरूमा रहेको रकम सुरक्षित हुन्छ भनेर आश्वस्त पार्नु पर्ने कुरामा उनको जोड छ ।  ‘यो कार्य राज्यको हो र राज्यले नै त्यसमा अग्रसर्ता लिएर बचतकर्ताको बचत सुरक्षित छ भन्ने विश्वास दिलाउनु पर्छ,’ उनले भने त्यसको लागि सहकारी अभियान पनि साथमा रहेको छ ।

नेपाल बचत तथा ऋण केन्द्रीय सहकारी संघ लिमिटेड (नेफ्स्कुण) का वरिष्ठ उपाध्यक्ष चन्द्र प्रसाद ढकालले सुशासनमा नचलेका सहकारी संस्थाहरुलाई नियमनसँगै कर्जा सूचना केन्द्र र ऋण असुली न्यायाधिकरण तत्काल आवश्यक रहेको बताए । बैंकका नि–वर्तमान सञ्चालक हरिहर नाथ योगीले सहकारी क्षेत्रमा देखिएको विकृतिलाई समाधान गर्नु पर्ने धारणा व्यक्त गरे ।

थप समाचार

दासढुंगा घटना षड्‌यन्त्र हो‚ मदन–आश्रितका हत्यारालाई कारबाही गर्छौं : बादल

समानुपातिकमा ६४ दल, १८ दलले मात्रै दिए ११० सिटमा उम्मेदवारी

बाख्रा र कुखुराले मोर्चाबन्दी गरेर बाघको मुकाबिला गर्न सक्छन् ?…

केही मानिस देशै कब्जा गरिसक्यौं भनेजसरी रमाइरहेका छन्ः प्रचण्ड

नेपालमा विदेशी चलखेल भइरहेको छः डा. शेखर कोइराला

निर्वाचन आयोगमै जेनजीको प्रदर्शन, प्रधानमन्त्रीको राजीनामा माग