रूकुम पश्चिमको बाँफिकोट गाउँपालिकामा कसरी भयो जिप दुर्घटना ? घाईतको हेलिकप्टरबाट उद्धार

खोज पत्रिका बिहिबार, २०८० जेष्ठ ११, २१ :२१ बजे

काठमाडौं । रूकुम पश्चिमको बाँफिकोट गाउँपालिका ८ को टुरीधारा मोसेखोलामा भएको जिप दुर्घटनामा परि मृत्यु हुनेको संख्या ५ पुगेको छ । दुर्घटनामा २२ दिनको बच्चा र आमा सहित ५ जनाको मृत्यु भएको हो ।

मृत्यु हुनेमा बाँफिकोट गाउँपालिका वडा नम्बर ५ कि रेखा केसी, उहाँका २२ दिनका छोरा, सानीभेरी गाउँपालिका ५ का देउचन खत्री, ५ कै कर्णे बाँठामगर र शितला केसी रहेका छन् । शितलाको उपचारका लागि लैजादै गर्दा बाटोमा र अन्यको घटनास्थलमै मृत्यु भएको हो । दुर्घटनामा परि १० जना घाइते भएका छन् ।

गम्भिर घाईते भएका ४ जनालाई थप उपचारको लागि नेपाली सेनाको हेलीकोप्टर मार्फत नेपालगञ्ज पठाईएको छ । ४ जना घाईतेहरुहको जिल्ला अस्पताल सल्लेमा उपचार भैरहेको प्रहरीले जनाएको छ ।

सानीभेरी गाउँपालिका ५ हाँसुबाट मुसिकोट खलंगा तर्फ आइरहेको लु १ ज १७४७ नम्बरको जिप टुरीधारा मोसेखोलामा दुर्घटना भएको हो । जिप सडकबाट करिब ४ सय मिटर तल खसेको थियो । उकालोमा ब्रेक फेल भएको हुनसक्ने आकलन गरिएको छ ।