कोरिया र इटाली पठाउने भन्दै २२ जनासँग ६६ लाख ठगी, कन्सल्टेन्सी सन्चालक र एमडी पक्राउ

खोज पत्रिका आइतवार, २०८० बैशाख ३, १८ :०९ बजे

काठमाडौं । दक्षिण कोरिया, इटाली, न्युजिल्यान्ड, पोर्चुगल लगायत देश पठाईदिने भन्दै ठगी गर्ने दुई जना पक्राउ परेका छन् । २२ जना युवासँग ६६ लाख रुपैयाँभन्दा ठगी गरेको आरोपमा कन्सल्टेन्सीका सन्चालक र म्यानेजिङ डाइरेक्टर पक्राउ परेका हुन ।

गोंगबुस्थित ग्रिनलिफ इन्टरनेसनल कन्सल्टेन्सीका सन्चालक कालिकोटका २८ वर्षीय सुधनकुमार शाही र म्यानेजिङ डाइरेक्टर सोलुखुम्बुका ३१ वर्षीय अनिल श्रेष्ठलाई काठमाडौं उपत्यका अपराध अनुसन्धान कार्यालयको टोलीले पक्राउ गरेको हो । उनीहरु नेपाल स्नोफल माउन्टेन ट्रेक एन्ड एक्सिपिडिसन प्रालीमा पनि सन्चालक र म्यानेजिङ डाइरेक्टरको भूमिकामा रहेको बताइएको छ ।

उनिहरुले युवाहरुसँग ५ लाख लागतमा मासिक एक लाख रुपैयाँभन्दा बढी कमाई हुने प्रलोभन देखाएर ठगी गरेको पाइएको प्रहरीको अनुसन्धानमा खुलेको छ ।