प्रतिनिधिसभाको बैठक बस्दै, आजपनि एमालेको अवरोध गर्ने रणनिति

काठमाडौं । प्रतिनिधि सभाको बैठक आज पनि बस्दैछ । नयाँ बानेश्वरस्थित संघीय संसद् भवनमा दिउँसो १ बजे बस्ने बैठकमा विभिन्न अध्यादेश पेस गर्ने सम्भावित कार्यसूची तय छ । सरकारले प्रतिस्थापन विधेयकमार्फत बजेट ल्याएपछि पहिलो पटक प्रतिनिधि सभा बैठक बस्न लागेको हो । प्रमुख प्रतिपक्षीको विरोधबीच सरकारले सदनमा प्रतिस्थापन विधेयक पेस गरेको थियो ।

आजको बैठकमा सांसद् प्रेम सुवालले शपथ सम्बन्धी अध्यादेश, २०७८ लाई अस्वीकार गरियोस् भन्ने सूचना प्रस्तुत गर्नेछन् । यस्तै प्रधानमन्त्री शेरबहादुर देउवाले शपथ सम्बन्धी अध्यादेश, २०७८ लाई स्वीकृत गरियोस् भनी प्रस्ताव प्रस्तुत गर्ने कार्यसूची रहेको संसद् सचिवालयले जनाएको छ । प्रमुख प्रतिपक्षी दल नेकपा एमालेको विरोधकाबीच सरकारले शुक्रबार प्रतिस्थापन विधेयक ल्याएको थियो ।

सभामुख अग्निप्रसाद सापकोटाको भूमिकालाई लिएर पछिल्लो समय प्रमुख प्रतिपक्षी दल एमालेले संसद् अवरुद्ध गर्दै आइरहेको छ । एमाले संसदीय दलको बैठक अपराह्न १२ बस्दैछ । शुक्रबारको बैठक अवरोध गर्ने क्रममा एमालेका सांसदहरुले बेल घेराउ गर्दै रोष्टमतर्फ अघि बढ्ने प्रयास गरेका थिए । सोही क्रममा केही सांसदहरूले सभामुख तथा अर्थमन्त्रीलाई रोक्ने क्रममा आक्रमणको प्रयास नै गरेका थिए ।

थप समाचार

सर्वोच्चको आदेश शिक्षक नेताहरूको हठका विरुद्धमा होः शंकर पोखरेल

भूकम्पीय जोखिमबाट बच्न चेतना फैलाउन आवश्यक छः राष्ट्रपति

आजदेखि बजेट अधिवेशन, प्रधानमन्त्रीले सम्बोधन गर्ने

आज भूकम्प स्मृति दिवस मनाइँदै

विद्या भट्टराईले दिइन् शिक्षा मन्त्रीलाई बधाई, प्रधानमन्त्रीलाई धन्यवाद

कक्षा १२ को वार्षिक परीक्षा नसर्ने