नेकपामा बिबाद भएपछि चिनियाँ राजदुतको दौडधुप तिब्र

खोज पत्रिका शुक्रबार, २०७७ बैशाख १९, १३ :२० बजे

काठमाडौं १९ बैशाख । नेपालका लागि चिनियाँ राजदूत हाउ याङछीले नेपाल कम्युनिष्ट पार्टीका अध्यक्ष पुष्पकमल दाहाल प्रचण्डसँग भेटघाट गरेकी छन् । भैसीपाटी पुगेकी राजदूत याङछी र अध्यक्ष प्रचण्डबीच करिब एक घण्टा भेटघाट भएको थियो । नेकपाभित्रको बिबाद र प्रधानमन्त्री ओलीको निरन्तरताको सम्भावनाबारे छलफल भएको बताइएको छ । अध्यक्ष प्रचण्डसँगको भेटलगत्तै उनी वरिष्ठ नेता माधवकुमार नेपालको कोटेश्वरस्थित निवास पुगेकी थिइन् । राजदूत याङछीले बिहीबार राति प्रधानमन्त्री केपी शर्मा ओलीसँग पनि भेटघाट गरेकी थिइन् । करिव एक साता पहिले चिनियाँ राष्ट्रपति सि जिनपिङले टेलिफोनमार्फत राष्ट्रपति विद्यादेवी भण्डारीसँग वार्ता गरी ओलीको सुस्वास्थ्य र खुशीका लागि दिएको शुभकामनालाई ओली पक्षले वर्तमान राजनीतिक संकटमा चीनको ओलीलाई समर्थनका रुपमा प्रस्तुत गर्दै आएको छन् । राष्ट्रपति सीको भण्डारीसँग फोन वार्तापछि राजदूत याङछीले भण्डारीसँग एक्लै भेट गरेकी थिइन् ।

क्याटेगोरी : प्रमुख समाचार, राजनीति, समाचार
ट्याग : #राजदुतको दौडधुप तिब्र