अमेरिकामा लकडाउनको बिरोध

काठमाडौं ८ बैशाख । लकडाउनको विरोधमा अमेरिकाका विभिन्न क्षेत्रमा प्रदर्शन जारी रहेको छ । प्रदर्शनकारीले लकडाउनका कारण अर्थतन्त्रमा गम्भीर असर परेको भन्दै तत्काल खुलाउन गभर्नरहरुसँग माग गरेका छन् । एरिजोना, कोलोराडो, मोन्टाना र वासिङ्गटन राज्यमा लकडाउनको विरोधमा आइतबार प्रदर्शन भएका छन् । यसअघि अरु आधा दर्जन राज्यमा पनि प्रदर्शन भएका थिए । कोरोना भाइरसको संक्रमण फैलिन सक्ने जोखिम रहे पनि लगातारको प्रदर्शनले लकडाउन खुकुलो पार्न गभर्नरहरुमाथि दबाब बढ्दै गएको छ । राष्ट्रपति डोनाल्ड ट्रम्पले प्रदर्शनकारीको समर्थन गरेका छन् । त्यसपछि प्रदर्शन थप बिस्तार भएको हो । गभर्नरहरुले लकडाउन केही खुकुलो बनाउने विषयमा छलफल सुरु गरेका छन् । जोन हप्किन्स विश्वविद्यालयलका अनुसार अहिलेसम्म अमेरिकामा कम्तिमा ४० हजार ६६५ जनाको कोभिड–१९ बाट मृत्यु भएको छ । यस्तै संक्रमितको संख्या पनि सात लाख ५९ हजार भन्दा बढी पुगेको छ ।

थप समाचार

उपसभामुखमा रुबीकुमारी ठाकुर निर्वाचित,यस्तो छ सेवा सुविधा

कलाकार बले हाजिरी जमानीमा रिहा

रवि लामिछानेको आश्वासनले उपसभामुखमा उम्मेदवारी दिएको ज्ञानेन्द्रको दाबी

देशभित्रको अशान्ति र पश्चिम एसिया द्वन्द्वले नेपालको आर्थिक वृद्धि सुस्त…

सरकार जनताले प्रकट गरेको मर्म, भावना र चाहना चल्नुपर्छः राष्ट्रपति

ज्ञानेन्द्र शाहीलाई रविको आग्रहः सँगै कयौँ राजनीतिक सहकार्य गर्न बाँकी…