पश्चिमी अफगानिस्तानमा क्यान्सरका बिरामी ३० प्रतिशतले वृद्धि

काबुल । हेरात प्रान्तको क्यान्सर उपचार गर्ने डाक्टरहरूका अनुसार पश्चिमी अफगानिस्तानमा क्यान्सरको उपचार खोज्ने बिरामीहरूको संख्यामा ३० प्रतिशतले वृद्धि भएको  छ। गत वर्ष चार हजार क्यान्सर रोगीमध्ये ५० प्रतिशत महिला रहेको डाक्टहरुले बताए । ती मध्ये ५० प्रतिशत महिला स्तन क्यान्सरबाट पीडित भएको क्यान्सर सेन्टरका निर्देशक डा फारुक अहमद सिद्दीकीको भनाई उद्दृत गर्दै उल्लेख गरेको छ । ।

‘हामीमा आउने हरेक दुई जना महिलामध्ये एक जना स्तन क्यान्सरको हो। विगतको तुलनामा यो तथ्याङ्क बढेको छ। हामीले निदान र उपचार गर्ने तरिकाहरू जान्नुपर्छ सिद्दीकीले थपे। उनका अनुसार अधिकांश महिलाहरूलाई स्तन क्यान्सरका लक्षणहरूबारे अनभिज्ञता रहेको जनाएको छ ।

तर, स्तन क्यान्सरबाट पीडित महिलाले पनि आफ्नो आर्थिक समस्याको चर्को गुनासो गर्छन् । उनीहरुले उपचार नपाएको दाबी समेत गरेका छन् । देशमा अपर्याप्त निदान सुविधा, औषधि, प्राविधिक र विशेषज्ञ डाक्टरहरूको अभावका कारण अफगान नागरिक चिकित्सा हेरचाहका लागि पाकिस्तानलगायत छिमेकी देशहरू जाने गरेको उल्लेख  छ ।

थप समाचार

ट्रम्पले गरे भियतनामसँग व्यापार सम्झौताको घोषणा

थाई प्रधानमन्त्रीको राजीनामा माग्दै हजारौँ सर्वसाधारण सडकमा

ट्रम्पलाई नोबेल पुरस्कारका लागि सिफारिस गर्दै पाकिस्तान

ट्रम्पले भने– इरानमाथिको आक्रमण सफल

ट्रम्पले गरे इरानमाथि आक्रमण गर्ने योजना स्वीकृत

इरानको सूचना दिएको भन्ने आरोपमा ह्वाट्सएपको आपत्ति