गुगलले ग्रामीण क्षेत्रबाट काम गर्ने कर्मचारीको तलब २५ प्रतिशतसम्म काट्ने, फेसबुक टुइटरले पनि पछ्याउदै

काठमाडौं । गुगलले कुनै कर्मचारीले स्थायी रुपमै ग्रामीण क्षेत्रबाट (वर्क फ्रम होम) काम गर्ने इच्छा देखाए तलबसुविधा काट्ने जनाएको छ । गुगलले ग्रामीण क्षेत्रबाट काम गर्नेदेखि स्थायी रुपमै घरबाटै काम गर्ने कर्मचारीहरुको तलब २५ प्रतिशतसम्म कटौती गर्ने जनाएको हो । गुगलले कोर सिटीमा रहेका कार्यालयमा काम गर्ने कर्मचारीको तल भने यथावत राख्ने बताएको छ ।

कोरोना महामारीका कारण कार्यालय पुगेर काम गर्ने अवस्था नभएपनि गुगललगायत अधिकांश टेक जाइन्टहरुले वर्क फ्रम होम लागू गरेका थिए। जसका कारण अझै पनि धेरै कर्मचारी कार्यालय नगइ घरबाटै काम गरिरहेका छन्। फेसबुक र टुइटरले ग्रामीण तथा सहरीभन्दा बाहिर घरमा बसेर काम गर्ने कर्मचारीहरुको तलबसुविधा कटौती गर्ने प्रतिक्रिया दिएको छ।

कार्यालय वरपर वा सहरी क्षेत्रमा महँगोमा बसोबास गरिरहेका कर्मचारीहरु जो कार्यालय आउँछन् उनीहरुको तलब भने नकाटिने बताइएको छ। तर, कम खर्चिलो एवम् ग्रामीण भागमा बसेर काम गर्ने कर्मचारीहरुको हकमा तलबसुविधा कटौती गर्ने गुगलले जनाएको छ। गुगलको उक्त निर्णयपछि दैनिक लामो यात्रा तय गरेर कार्यालय पुग्ने कर्मचारीलाई मार पर्ने बुझिएको छ। फेसबुक टुइटरले पनि सोही अनुसार चल्ने योजना बनाउन लागेका छन् ।

थप समाचार

रूस–युक्रेन युद्धको प्रभावबीच जी–२० अर्थमन्त्रीहरूको बैठक सकियो

रुसी नौसेना र आणविक शक्ति निरन्तर बलियो बन्दैछ : पुटिन

सन् २०२६ को पहिलो ६ महिनामा चीनको वैदेशिक व्यापारमा १६.९…

इरानसँगको सम्झौता समाप्त भएको अमेरिकी राष्ट्रपति ट्रम्पको दाबी

विजयको सरकार गठनका लागि तमिलनाडुमा जुट्यो बहुमत

अमेरिकी–इजरायली आक्रमणमा ६ सय भन्दा बढी इरानी विद्यालयहरू क्षतिग्रस्त