महिलाहरुमाथि यौन दुव्र्यवहारको आरोप लागेका न्यूयोर्कका गभर्नर एन्ड्रयू कुओमोद्वारा राजीनामा

खोज पत्रिका बुधबार, २०७८ साउन २७, ०९ :३४ बजे

काठमाडौं । विभिन्न महिलाहरुमाथि यौन दुव्र्यवहारको आरोप लागेका अमेरिकाको न्यूयोर्कका गभर्नर एन्ड्रयू कुओमोले राजीनामा दिएका छन् । राज्यकी न्यायाधीवक्ताले गरेको अनुसन्धानमा कुओमोले महिलाहरुमाथि यौन दुर्व्यहार गरेको पाइएको उल्लेख थियो । त्यसपछि उनीमाथि राजीनामाको दबाब परेको थियो ।

लगातार आरोप अस्वीकार गर्दै आएका कुओमोले अझै पनि आफूले कुनै पनि महिलालाई दुर्व्यवहार नगरेको बताएका छन् । उपगभर्नर क्याथीहकलले गभर्नरको जिम्मेवारी सम्हाल्ने छिन् । उनी न्यूयोर्कको नेतृत्व गर्ने पहिलो महिला बन्ने भएकी छन् । कुओमोलाई राष्ट्रपति जो बाइडेनसहित डेमोक्र्याटिक पार्टीकै नेताहरुबाट राजीनामाका लागि दबाब परेको थियो ।

क्याटेगोरी : विदेश
ट्याग : #यौन दुव्र्यवहार