मन्दिर दौडाहामा राहुल गान्धीका लागि मन्त्री

काठमाडौं २ चैत । भारतमा चुनावी अभियान सुरु भएको छ । भारतीय कांग्रेसका अध्यक्ष राहुल गान्धी देशको प्रधानमन्त्री बनुन् भन्ने मनोकामनासहित मध्य प्रदेशका मन्त्रीले मन्दिर–मन्दिर गएर प्रार्थना गर्ने गरेका छन् । मध्य प्रदेशका मन्त्री पीसी शर्मा पछिल्लो समय मन्दिरसहितका धार्मिकस्थलको भ्रमणमा रहेको र उनले राहुल गान्धी प्रधानमन्त्री बनुन् भन्ने कामना गरेको भारतीय पत्रिका द टाइम्स अफ इन्डियाले जनाएको छ । मन्त्री शर्माले भनेका छन्, ‘मैले अहिलेसम्म धेरै मन्दिरको भ्रमण गरेको छु, हरेक मन्दिरमा मध्य प्रदेशमा पार्टीलाई उत्कृष्ट जित हाँसिल होस भन्ने कामना गरेको छु । यस्तै हाम्रा अध्यक्ष राहुल गान्धी देशको प्रधानमन्त्री बनुन् भन्ने कामना पनि गरेको बताएका छन् । भारतमा आउँदो अप्रिल र मे मा लोकसभा चुनाव हुँदैछ । सात चरणमा हुने चुनावको प्रचारमा कांग्रेस तथा भारतीय जनता पार्टीसहितका दल जुटेका छन् ।

थप समाचार

सर्वोच्चको आदेश शिक्षक नेताहरूको हठका विरुद्धमा होः शंकर पोखरेल

भूकम्पीय जोखिमबाट बच्न चेतना फैलाउन आवश्यक छः राष्ट्रपति

आजदेखि बजेट अधिवेशन, प्रधानमन्त्रीले सम्बोधन गर्ने

आज भूकम्प स्मृति दिवस मनाइँदै

विद्या भट्टराईले दिइन् शिक्षा मन्त्रीलाई बधाई, प्रधानमन्त्रीलाई धन्यवाद

कक्षा १२ को वार्षिक परीक्षा नसर्ने