कर्णाली प्रदेशसभा अवरुद्ध, मन्त्रीको राजीनामा माग्दै एमाले

काठमाडौं । नेकपा एमालेले पहिलो पटक कर्णाली प्रदेशसभाको बैठक अवरुद्ध गरेको छ। भौतिक पूर्वाधार तथा सहरी विकास मन्त्री अम्मरबहादुर थापाको राजीनामा माग गर्दै एमालेले बैठक अवरुद्ध गरेको हो। फौजदारी अभियोग प्रमाणित भइसकेको व्यक्तिलाई मन्त्री बनाइएको भन्दै संसद अवरुद्ध गरिएको हो।

‘जनप्रतिनिधिहरुलाई अपमानित हुनेगरी अदालतले करार पुष्टि गरिसकेका व्यक्तिलाई सरकारले मन्त्री बनाएर सभाको मर्यादा माथि नै प्रश्न उठाएको संसदीय दलका नेता यामलाल कँडेलले बताए । सरकारले निर्णय नसच्याउँदासम्म बैठक अगाडि बढ्न नदिने उनको चेतावनी छ । एमालेबाट फ्लोर क्रस गरेर मन्त्री भएका थापा अदालतबाट सरकारी कागजात किर्ते गरेको अभियोगमा दोषी प्रमाणित भइसकेका व्यक्ति हुन्।

पार्टीको ह्वीप विपरित मुख्यमन्त्री महेन्द्रबहादुर शाहीलाई मत दिएका उनी वैशाख ४ गते मन्त्री बनेका हुन्। फौजदारी अभियोग लागिसकेका व्यक्तिलाई मन्त्री बनाइएको भन्दै उनीविरुद्ध सर्वोच्च अदालतमा पनि मुद्दा परेको छ। मन्त्री थापालाई अदालतले जेठ ३० गते बयानका लागि बोलाइसकेको छ ।

थप समाचार

महेश बस्नेत र दुर्गा प्रसाईँको मंसिर ७ को आन्दोलन (भिडियोसहित)

अव माइतीघरदेखि बानेश्वरसम्म आन्दोलन गर्न नपाइने, लगाइयो निषेधाज्ञा !

रुकुमपश्चिममा जिप दुर्घटना, २२ जना घाइते, ५ को अवस्था गम्भिर

उदाउँदो सूर्यलाई अर्घ्य दिएर समापन गरियो यस बर्षको छठ पर्व

टिकटक प्रयोग भएको पाइएमा खबर गर्न दुरसञ्चार प्राधिकरणको आग्रह

कञ्चनपुरका विपिन जोशी गाजाको एक अस्पतालमा फेला (भिडियोसहित)