कोरोना संक्रमितको उपचारका लागि रुकुमपश्चिको स्वास्थ्य सेवा कार्यालयमा थप सेवा विस्तार

रुकुमपश्चिम । पछिल्लो समय रुकुमपश्चिममा पनि कोरोना संक्रमित दैनिक थपिदै गएपछि अस्पतालमा सेवा विस्तार गर्न लागिएको छ । नयाँ भेरियन्टसहितको कोरोना भाईरसको संक्रमण बढ्दै गएपछि कोरोना संक्रमितको उपचारमा थप सहजता ल्याउन स्वास्थ्य सेवा कार्यालयमा सेवा बिस्तार गर्न लागिएको हो ।

स्वास्थ्य सेवा कार्यालय रुकुम पश्चिम सल्लेबाट सञ्चालन हुदै आएका प्रसुति सेवा बाहेक अन्य सेवाहरु मुसिकोट नगरपालिकाले सञ्चालन गरेको राप्ती समाज अस्पतालको भवनबाट सञ्चालन गर्ने निर्णय गरिएको छ । पूर्व गृहमन्त्री तथा रुकुम पश्चिमका प्रतिनिधिसभा सदस्य जनार्दन शर्मा, जिल्ला समन्वय समिति रुकुम पश्चिमका प्रमुख राजकुमार शर्मा, मुसीकोट नगरपालिकाका प्रमुख देविलाल गौतम र प्रमुख जिल्ला अधिकारी बद्रिनाथ गैह्रेको उपस्थितिमा बिहिबार भएको बैठकले १२ वटा निर्णय गरेको छ ।

त्यस्तै जनस्वास्थ्य कार्यालयको प्रशासनिक भवनलाई अन्य ठाउँमा राखेर त्यहाँ कोरोना संक्रमितको उपचारमा प्रयोग गर्ने, कोरोना उपचार व्यवस्थापनका लागि प्रदेश सरकारबाट आएको १ करोडलाई शब बहान, एम्बुसेन्स र अक्सिजन लगायतका सामाग्रीहरु खरिद गर्ने लगायतका निर्णय भएका छन ।

पूर्वमन्त्री शर्माले जिल्लामा कोरोना संक्रमितको उपचार कसरी भइरहेको छ भन्नेबारे समेत निरिक्षण गरेका थिए । रुकुमपश्चिममा आठविसकोट, चौरजहारी नगरपालिकाले समेत कोरोना उपचारका लागि अस्पताल बनाएका छन् ।

थप समाचार

महेश बस्नेत र दुर्गा प्रसाईँको मंसिर ७ को आन्दोलन (भिडियोसहित)

अव माइतीघरदेखि बानेश्वरसम्म आन्दोलन गर्न नपाइने, लगाइयो निषेधाज्ञा !

रुकुमपश्चिममा जिप दुर्घटना, २२ जना घाइते, ५ को अवस्था गम्भिर

उदाउँदो सूर्यलाई अर्घ्य दिएर समापन गरियो यस बर्षको छठ पर्व

टिकटक प्रयोग भएको पाइएमा खबर गर्न दुरसञ्चार प्राधिकरणको आग्रह

कञ्चनपुरका विपिन जोशी गाजाको एक अस्पतालमा फेला (भिडियोसहित)