नेपालको राष्ट्रिय झण्डा जलाइएमा चौतर्फी आलोचना, युट्युवमा आपत्तिजकन भिडियो

काठमाडौं । नेपालको राष्ट्रिय झण्डा जलाउँदै एउटा भिडियो युट्युवमा सार्वजनिक भएपछि चौतर्फी आलोचना भएको छ । घृणा र आपसी विभाजनलाई प्रशय दिने खालका शब्दसहितको र्‍याप गीत युट्युब मार्फत सार्वजनिक भएपछि चौतर्फी आलोचना भएको हो । मंगोल ग्याल्ज ली नाम गरेका र्‍यापरले आफै रचना गरी तयार पारेको गीतको म्यूजिक भिडियोमा नेपालको झण्डा जलाएको दृश्य राखिएको छ ।

सार्वजनिक भएको गीतको सुरुवातमै नेपालको राष्ट्रिय झण्डा जलाइएको देखाएको छ । गीतका शब्दमा झण्डालाई ‘ब्रा’ जस्तो भनेर संकेत गरिएको छ । जातीय द्धन्द्धलाई प्रशय दिने खालको गीतमा ढाका टोपीलाई पनि अपमानजनक शब्द प्रयोग भएको छ । बाहुन–क्षेत्रीलाई आदिबासीको ‘दुश्मन’ का रुपमा प्रस्तुत गरिएको गीतको नाम ‘देशद्रोही’ रहेको छ । ‘मंगोल होप’ नामक युट्युब च्यानलबाट सार्वजनिक भएको भिडियोमा बाहुन–क्षेत्रीलाई शरणार्थी र लुटेरा समेत भनिएको छ ।

भिडियोमा प्रधानमन्त्री केपी शर्मा ओली, नेकपा अध्यक्ष तथा पूर्व प्रधानमन्त्री पुष्पकमल दाहाल प्रचण्ड, पूर्व प्रधानमन्त्री गिरिजाप्रसाद कोइराला, सुशील कोइराला, माधवकुमार नेपाल, पूर्वराजा ज्ञानेन्द्र शाह लगायतको तस्बिर पनि जलाइएको छ । भिडियोमा मकवानपुरको पूर्वी बागमती गाउँपालिका–३ सल्लेनीस्थित विष्णु आधारभूत विद्यालयको क्षेत्र देखिएको छ ।

दुई लाख तेहीस हजार भन्दा बढी पटक हेरिएको भिडियोमा ५९ हजार भन्दाबढी डिसलाइक गरिएको छ । १ हजार ४ सय मात्रै लाइक गरिएको छ । कमेन्टमा सबैले गितको आलोचना गर्दे कारवाहीको माग गरेका छन् । देशद्रोही शीर्षक राखिएको सो भिडियोको तल गायकको परिचय दिएको छ । मंगोलियन र्र्याप नाम दिइएको सो गीतका रचनाकार र गायक मंगोल ग्याल्जे लि र एटिएम, भाषा खस र राष्ट्रियता नेपाली लेखिएको छ ।

थप समाचार

सरकारबिरुद्ध विपक्षी दल फेरि एक ठाउँ, संसद अधिबेशन आह्वानको माग

निष्पक्ष छानबिन गर्न सम्बन्धित निकायलाई सर्बोच्चको पूर्ण बैठकको चुनौती

गगनले भने– तर्साउने धेरै आए, तर्सिने बानी परेन

प्रधानमन्त्रीले भने– एक, दुई जना उम्किन्छु भनेर सपना नदेखे हुन्छ

सर्वोच्चको न्यायाधीशमा सिफारिस चार जनाविरुद्ध आठ उजुरी

सरकारका कारण कर्मचारी, व्यवसायी सब थुरथुर भएः गगन थापा