संविधान संशोधनमा कांग्रेस र जसपाबीच छलफल गर्ने तयारी

खोज पत्रिका शनिबार, २०७७ जेष्ठ १०, १५ :२९ बजे

काठमाडौं । नेपाली काँग्रेस र जनता समाजवादी पार्टी नेपालबीच संविधान संशोधनबारे छलफल गर्ने बताइएको छ । शनिबार काँग्रेसका सभापति शेरबहादुर देउवाको निवास बूढानीलकण्ठमा दुई पार्टीबीच भएको छलफलमा संविधान संशोधनको बारेमा थप छलफल गरी अघि बढ्ने सहमति भएको हो । जसपा नेपालका नेताहरु संविधान संशोधन लगायतका विषयमा छलफल गर्न बुढानिलकण्ठमा पुगेपनि छलफल टुंगोमा पुगेको छ्रैन् ।

सरकारले नयाँ नक्सा जारी गरेपछि त्यसलाई आधिकारिकता दिन संविधान संशोधन गर्न लागेको छ । त्यसमै अन्य विषय समावेश गरि एकैपटक संविधान संशोधन गर्नका लागि सरकारलाई दवाव दिन जसपाले काँग्रेसलाई आग्रह गरेको थियो । जवाफमा काँग्रेसले यस विषयमा आ आफ्नो बैठकमा छलफल गर्ने र पुनः बैठक बसेर थप निर्णय गर्ने दुई दलबीच सहमति भएको बताइएको छ । बैठक छिट्टै बस्ने भनिएको भएपनि कहिले बस्ने भन्ने तय भएको छैन् ।

क्याटेगोरी : प्रमुख समाचार, ब्रेकिंग न्युज, राजनीति, समाचार
ट्याग : #संविधान संशोधन