कोरोना संक्रमितको संख्या २५० पुग्यो, थपिए पाँच जना संक्रमित
काठमाडौं १ जेठ । नेपालमा फेरि ५ जनामा कोरोना संक्रमित थपिएका छन् । सर्लाही, धनुषा, महोत्तरी, काठमाडौं र कपिलबस्तुमा गरी ५ जना जना कोरोना संक्रमित थपिएको स्वास्थ्य तथा जनसंख्या मन्त्रालयले जनाएको छ । बिहिबार पौने ८ बजे सार्वजनिक गरेको अध्यावधिक विवरणअनुसार सर्लाहीको धान्कौल नगरपालिकाका २५ वर्षीय पुरुष, धनुषाको जनकपुर उपमहानगरपालिका र मिथिला नगरपालिका निवासी क्रमशः ४० वर्षीय पुरुष र २० वर्षीया महिलामा कोरोना संक्रमण देखिएको छ । यस्तै, महोत्तरीको जलेश्वर नगरपालिका र बलवा नगरपालिका निवासी १६ र ३५ वर्षीय पुरुषमा पनि कोरोना संक्रमण देखिएको छ । उनीहरु सबैको राष्ट्रिय जनस्वास्थ्य प्रयोगशाला टेकुमा गरिएको परीक्षणमा गरिएको थियो । नेपालमा कोरोना संक्रमितको संख्या २ सय ५० पुगेको छ । प्रदेश २ मा १०३ जना संक्रमित पुगेका छन् । प्रदेश ५ मा ९४, प्रदेश १ मा ३५, बागमतीमा सहित ११, गण्डकीमा २ र सुदूरपश्चिम प्रदेशमा ५ जना संक्रमित फेला परेका छन् । यस्तै ३५ जना कोरोना निको भएर घर फर्किसकेका छन् । कर्णाली प्रदेशमा कुनै संक्रमित भेटिएका छैनन् ।
क्याटेगोरी : प्रमुख समाचार, ब्रेकिंग न्युज, समाचार, स्वास्थ्य
ट्याग : #पाँच जना संक्रमित
तपाईको कमेन्ट लेख्नुहोस्