Techie IT
  • १६ जेठ २०८१, बुधबार
KhojPatrika

कपिलबस्तुका दुई जनामा कोरोना पोजेटिभ, संक्रमितको संख्या १०१ पुग्यो


काठमाडौं २५ बैशाख । कपिलवस्तुका दुई जना कोरोना पोजेटिभ देखिएको छ । राष्ट्रिय जनस्वास्थ्य प्रयोगशाला टेकुमा गरिएको परीक्षणमा कपिलवस्तुका १६ र २२ वर्षका पुरुषमा कोरोना संक्रमण देखिएको हो । स्वास्थ्य तथा जनसंख्या मन्त्रालयका सहप्रवक्ता डाक्टर समीरकुमार अधिकारीका अनुसार स्वास्थ्यकर्मीको सम्पर्कमा रहेका दुबै जनामा कोरोना संक्रमण देखिएको हो ।

उनीहरुको अवस्था सामान्य छ । कपिलवस्तुमा पहिलो पटक कोरोना संक्रमित भेटिएका हुन् । यसअघि कपिलवस्तुको छिमेकी जिल्ला रुपन्देहीमा एक जनामा कोरोना संक्रमण पुष्टि भएको थियो । यो सँगै नेपालमा कोरोना संक्रमितको संख्या १ सय १ पुगेको छ । तीमध्ये १९ जना निको भएर घर फर्किएका छन् । नेपालमा हालसम्म ६८ हजार ६ सय २ नमूना परीक्षण भएको छ । जसमध्ये आरडीटी ५४ हजार ९३ र पीसीआर प्रविधिबाट १४ हजार ५ सय ९ नमूना परीक्षण भएको स्वास्थ्य मन्त्रालयले जनाएको छ ।


क्याटेगोरी : प्रमुख समाचार, ब्रेकिंग न्युज, समाचार
ट्याग : #कोरोना पोजेटिभ

तपाईको कमेन्ट लेख्नुहोस्