आमाको मुख हेर्ने दिन

काठमाडौं ११ बैशाख । वैशाख कृष्ण पक्ष औँसी अर्थात आमाको मुख हेर्ने दिन । जन्म दिने आमालाई सम्मान गरी मिष्ठान्न भोजन गराउने दिनका रुपमा यसलाई लिने गरिन्छ । छोराछोरीले बिहानै उठी आफ्नी आमालाई राम्रा राम्रा लुगा र मीठा मीठा–तागतिला खानेकुरा खान दिइ आशीर्वाद थाप्ने चलन चलिआएको छ । आमा नभएका ब्यक्तीहरुले भने तर्पण र पिण्ड तथा पुरोहितलाई सिदा दानसहित भोजन गराइ दिवङ्गत आमा र आमाले गरेका कष्टकर काम सम्झने गर्छन् । यसबर्ष भने कोरोनाको जोखिम कम गर्न लगाइएको लकडाउनले आवात जावतमा समस्या पारेको छ । लकडाउनका कारण विवाह भइसकेका चेलीबेटी भने आज फोनबाटै आमासँग कुरा गर्न बाध्य भएका छन् । यस्तै आमाको मुख हेर्ने औँसीका दिन दिवङ्गत आमाको सम्झनामा काठमाण्डौको मातातीर्थमा मेला लाग्ने गरेकोमा यस वर्ष कोरोना भाइरसको सङ्क्रमणबाट बच्न भएको लकडाउनको कारण स्थगित गरिएको छ । यस वर्ष स्थानीयवासीलाई पनि मातातीर्थमा नजान सूचित गरिएको छ । नगरपालिकाको सूचनाको अवज्ञा गरेमा अनुगमनमा खटिएका कर्मचारीले स्थलगत रुपमा सय रुपैयाँ जरिबाना गर्ने बताइएको छ ।

थप समाचार

विस्तृत शान्ति सम्झौताको १८ वर्षः युद्ध गर्ने नेताको जीवनशैली फेरियो,…

बालुवाटारमा ओली-देउवासहित कांग्रेस र एमालेका शीर्ष नेताहरू छलफलमा

प्रधानमन्त्री, मन्त्री र जनप्रतिनिधिले अनुमति नलिइ उपनिर्वाचनको प्रचारमा हिँड्न नपाउने

मेडिकल व्यवसायी दुर्गा प्रसाईं दोस्रो पटक पक्राउ, प्रधानमन्त्री ओलीविरुद्ध भ्रामक…

हिरासतमा रहेका रवि लामिछानेको बोलीले प्रहरी तनावमा,मौका पाउने बित्तिकै सरकारलाई…

नारायणगढ–बुटवल सडकको ठेक्का सम्झौता रद्ध गर्ने प्रधानमन्त्रीको चेतावनी