लकडाउनको ३० औं दिन, अझै घरमै बसौं

खोज पत्रिका बुधबार, २०७७ बैशाख १०, १० :२० बजे

काठमाडौं १० बैशाख । सरकारले घोषणा गरेको लकडाउन आज एक महिना पुगेको छ । बुधबार लकडाउनको ३०औं दिनमा पनि राजधानी काठमाडौंसहित देशभर विहानैदेखि सुनसान छ । फाट्टफुट्ट अत्यावश्यक क्षेत्रका व्यक्ति र सवारी साधनको चहल पहल भएपनि तुलनात्मकरुपमा पहिले भन्दा कम मानिस बाहिर निस्केका छन् । सरकारले लकडाउन उल्लंघनकर्तालाई सोही ठाउँमै ४ घण्टा उभ्याएर कारबाही गर्ने भएपछि सडकमा निस्किनेहरु घटेका हुन् । पक्राउ गर्दा पूर्ण सावधानी अपनाइने र पक्राउ परेकाहरुलाई सामाजिक दुरी कायम गरेर मात्रै सडक छेउमै राखिने प्रहरीले जनाएको छ । अत्यावश्यक कामबिना सडकमा निस्किएकाहरुलाई प्रहरीले धमाधम नियन्त्रणमा लिन थालेको छ । सरकारले चौथो चरणमा थपिएको लकडाउन बैशाख १५ गतेसम्म तोकिएको छ । त्यसपछि पनि लकडाउन खोल्ने या थप्नेबारे कोरोना संक्रमितको संख्या देखिन्छ या देखिदैन् त्यसैमा निर्भर रहने देखिन्छ ।

क्याटेगोरी : प्रमुख समाचार, ब्रेकिंग न्युज, समाचार
ट्याग : #लकडाउन’