कोरोनालाई जित्ने चार नेपाली

काठमाडौं ८ बैशाख । बिश्वमा कोरोना महामारीले लाखौंको ज्यान गएको छ । संक्रमणदर पनि घटेको छैन् । नेपालमा अहिलेसम्म ३१ जनामा संक्रमण देखिएको छ । ३१ जनामध्ये ४ जना त निको भएर घर फर्किसकेका छन् । ४ जना कोरोनालाई जितेर फर्किए भन्दा धेरैलाई खुसी छाएको छ । अर्को सुखद पक्ष भनेको नेपालमा हालसम्म कोरोनाका कारण कसैको ज्यान गएको छैन । सरकारले कोरोनाको सम्भावित जोखिमलाई मध्यनजर गर्दै चैत ११ गते यता लकडाउन जारी राखेको सोमबार २८ औं दिन पुगेको छ । र्‍यापिड डाइग्नोस्टिक टेस्ट आरडीटी र प्रयोगशाला परीक्षण पीसीआरलाई पनि तीव्रता दिइँदै आएको छ । नेपालमा कोरोनालाई जितेर शनिबार र आइतबार गरी दुई दिनमा तीन जना घर फर्किएका हुन् । चीनको वुहानबाट आएका एक संक्रमित भने पहिले नै स्वस्थ्य लाभसहित घर फर्किसकेका थिए । गत शुक्रबार उदयपुर १२ र चितवनमा दुई जना एकैसाथ देखिएपछि त्रास भएका नेपाली २४ घण्टामा तीन बिरामी पूर्णरुपमा स्वस्थ्य भई घर फर्किएपछि कोरोना परास्त गर्न सकिने आत्मबलमा जुटेका छन् । अझ् शनिबार बाग्लुङकी ६५ वर्षीया कोरोना संक्रमित महिला निको भएर घर फर्किएपछि त झनै खुसी छाएको छ । टेकुस्थित शुक्रराज ट्रपिकल तथा सरुवा रोग अस्पतालमा उपचारत काठमाडौँकी प्रसिद्धि श्रेष्ठ पनि घर फर्किएकी हुन् । उनी फ्रान्सबाट गत चैत ४ गते नेपाल आएकी थिइन् । चैत १० गते कोभिड–१९ को सङ्क्रमण देखिएपछि ११ गते अस्पतालमा भर्ना भएकी थिइन । आइतबार धनगढीको सुदूरपश्चिम प्रादेशिक अस्पतालमा उपचार गराइरहेका लम्की चुहाका २१ वर्षीय युवक पनि स्वस्थ्य भएर घर फर्किएका हुन । उनी गत चैत २२ गते संक्रमण देखिएपछि अस्पतालमा भर्ना भएका थिए । यी ४ जना आत्मबल गरेरै कोरोनालाई जितेर घर फर्किएका हुन् ।

थप समाचार

सडकमा हिड्दा हिड्दै कांग्रेस केन्द्रीय सदस्य अजयबाबु शिवाकोटी पक्राउ

बढ्यो पेट्रोल र डिजेलको मूल्य

मनकामना केबलकार असोज २९, ३० र कात्तिक १ गते बन्द

एमालेलाई मिनबहादुरको १० रोपनी जग्गा दान, शिलान्यास गर्ने ओलीमाथि उठ्यो…

सहकारीको एउटै प्रकरणमा सरकारको विभेद, कोही जेल कोही खुलेआम चुनौति…

राजतन्त्र विस्थापित भएको १६ बर्षसम्म पनि किन डराउछन् पूर्वराजासँग नेताहरु…