अछाममा ट्याक्टर दुर्घटना हुँदा ३ जनाको मृत्यु, ४ घाइते

अछाम ११ असार । चौरपाटी गाउँपालिका २ शोकटस्थित कोलगैरामा ट्याक्टर दुर्घटना हुँदा ३ जनाको मृत्यु भएको छ भने ४ जना घाइते भएका छन्। बुधबार बिहान से १ त ७८३९ नम्बरको ट्याक्टर दुर्घटना हुँदा सहचालक चौरपाटी गाउँपालिका–३ का रमेश साउदको घटनास्थलमा नै मृत्यु भएको हो। यस्तै दुर्घटनामा चौरपाटी गाउँपालिका–३ की लक्ष्मी साउद र कालि साउदको पनि मृत्यु भएको छ। उनीहरुमध्ये साउदले यस वर्ष एसईई परीक्षा दिएका थिए भने लक्ष्मी कक्षा ९ र कालि कक्षा ८ मा अध्ययनरत रहेको दशपल्ले माविका शिक्षक लोकबहादुर बोगटीले बताए। लाइसेन्स नभएका सहचालकले ट्याक्टर चलाउँदा दुर्घटना भएको स्थानीयले बताएका छन्। ट्याक्टर चालक ज्ञानेन्द्र चौधरीले भने हाम फालेर ज्यान जोगाएका छन्। अन्य ४ घाइतेको जिल्ला अस्पतालमा उपचार भइरहेको छ ।

थप समाचार

रसुवा बाढीः प्रभावकारी उद्धारका लागि कांग्रेसले गरायो सरकारको ध्यानाकर्षण

रसुवामा बाढीः उद्धार र राहतमा सहभागी हुन नेता–कार्यकर्तालाई प्रचण्डको निर्देशन

धादिङको त्रिशूली नदीमा २ जनाको शव भेटियो

रसुवा बाढीमा ६ जना चिनियाँ नागरिकसहित १८ जना सम्पर्कविहीन, ९…

स्पेनी लगानीकर्तासँग प्रधानमन्त्री ओलीले भने, नेपालमा लगानी गर्नुस्

पत्रकार दिलभूषण पाठक जिल्ला अदालत उपस्थित