गोप्य सहमति बाहिरिएपछि नेकपामा तरंग

काठमाडौं १८ जेठ । २०७५ जेठ २ गते नेकपा एमाले र माओवादी केन्द्रकाबीचमा पाटी एकता हुँदा भएको गोप्य सहमति बाहिरिएपछि खैलाबैला भएको छ । नेकपा अध्यक्ष एवम् प्रधानमन्त्री केपी शर्मा ओली र पुष्पकमल दाहाल प्रचण्डबीच आलोपालो सरकारको नेतृत्व गर्ने भएको सहमति बाहिरिएको थियो । पाटी एकता हुँदा त्यो सहमति गोप्य राखिएको थियो । पछिल्लो समय पुष्पमकल दाहालले सरकारको नेतृत्व आलोपालोबाट गर्ने सहमति भएको बताएपछि गोप्य दस्ताबेज समेत बाहिरिएको थियो । प्रचण्ड सरकारको नेतृत्व गर्न तयार भएको संकेत दिएपछि नेकपामा तरंग पैदा भएको छ । प्रधानमन्त्री ओलीले भने अनाबश्यक टिप्पणी नगर्न आग्रह गरेका छन् । देश बाहिर रहेका बेला अनावश्यक बेलुन फुकेर नफुलाउन ओलीको आग्रह छ । त्यहि बिषयले चर्चा पाएपछि शनिबार प्रचण्डले पाटी एकीकरण ताका भएको गोप्य सहमतिलाई मिडियाले फरक ढङ्गले व्याख्या गरिदिएको भन्दैं गुनासो गरेका छन् । सुनसरी क्षेत्र नं–१ का कार्यकता प्रशिक्षण तथा भेटघाट कार्यक्रममा उनले सहमति जे भए पनि सहमतिमै केपी ओली नै पाँच वर्षसम्म सरकार चलाउन सक्ने बताए । प्रचण्ड पक्षीय नेता हरिवोल गजुरेलले अध्यक्षद्धय केपी शर्मा ओली र पुष्पकमल दाहाल प्रचण्डले आलोपालो रुपमा पार्टी र सरकार चलाउने कुरा पूरानो सहमति भएको स्पष्ट पारेका छन् । उनले अब प्रचण्ड प्रधानमन्त्री बन्ने बताए । उनले दुई पार्टी एकता गराउन दुवै अध्यक्षको अहम भूमिका रहेको भन्दै धन्यवाद दिए । ‘अब पार्टीभित्र कार्यविभाजनपनि छिट्टै टुँगो लाग्छ आफूलाई अध्यक्षमाथि विश्वास भएको बताए । तत्कालिन नेकपा एमालको नेताले भने चुनावताका आएको परिणामलाई हेर्न र बाडफाड त्यसरी नै हुने बताएका छन् । दुबै पक्षीय नेताहरु आरोप प्रत्यारोपमा उत्रिदा तत्लो तहमा भने एकता टुंगो लागेको छैन् । फेरि नेकपामा सरकारको नेतृत्वका बिषयमा चर्चा चल्न थालेको छ । जसले अव कसरी सहमति कार्यान्यन होला भन्ने चासो देखाइएको छ ।

थप समाचार

कांग्रेसमा उठ्यो राज्यमन्त्री कान्छारामलाई हटाइएको विषय

लण्डनको थेम्स नदीमा भेटिएको शव नेपाली विद्यार्थी ओलीकै भएको पुष्टि

सभापतिमाथि लगाएको मुद्दामा दम छैन, सरकारको प्रतिशोध मात्रै होः सोबिता…

भारतले पाकिस्तानबाट हुने आयातमा लगायो पूर्ण प्रतिबन्ध

समाजवादको आधार तयार पारेर मात्रै दुनियाँबाट बिदा हुने संकल्प लिएको…

ओलीले सांसदहरूलाई भनेढुक्क रहनू, हाम्रा सबै नीति सही छन्