पशुपति माविमा मुसिकोट नगरपालिका स्तरीय चौथो ‘मेयर कप’

रुकुमपश्चिम । रुकुम पश्चिमको मुसिकोट नगरपालिका स्तरीय चौथो ‘मेयर कप’ आइतबारबाट सुरु भएको छ । मुसिकोट नगरपालिका शिक्षा, युवा तथा खेलकुद शाखाको आयोजनामा पशुपति मावि रातामाटामा सुरु भएको हो ।

प्रतियोगितामा विभिन्न २४ वटा विधामा प्रतिस्पर्धा हुने चौथो मेयर कप प्रतियोगिता व्यवस्थापन तथा सञ्चालन उप समितिका संयोजक भक्तबहादुर खड्काले जानकारी दिए । उनका अनुसार प्रतियोगितामा नगरपालिकाका कुल ६५ मध्ये ४९ वटा विद्यालयको सहभागिता रहेका छन् ।

प्रतियोगिता व्यवस्थापन तथा सञ्चालन उप समितिका संयोजक भक्तबहादुर खड्काको अध्यक्षतामा भएको उद्घाटन कार्यक्रममा मुसिकोट नगरपालिकाका प्रमुख महेन्द्र केसीको प्रमुख आतिथ्यता रहेको थियो ।

कार्यक्रममा नगरपालिकाका निमित्त प्रमुख प्रशासकीय अधिकृत कुवेर केसी, वडा नम्बर १ का अध्यक्ष ज्ञानुचन्द्र चन्द, वडा नम्बर २ का अध्यक्ष दिनेश खड्का, वडा नम्बर ३ का अध्यक्ष दशरथ केसी, पशुपति माविका विद्यालय व्यवस्थापन समिति अध्यक्ष टेकबहादुर खड्का, विभिन्न विद्यालयका प्रअ, शिक्षक तथा सरोकारवालाहरूको उपस्थिति रहेको थियो ।

कार्यक्रमको सञ्चालन प्रतियोगिता व्यवस्थापन तथा सञ्चालन उप(समितिका सदस्य विमलकुमार शर्माले गरेका थिए ।

थप समाचार

सन्तान र जीवनसाथी गुमाएको पीडा सुनाउँदै प्रचण्डले भने, ‘मलाई खलनायक…

कांग्रेस मुसिकोटको बैठकः घरदैलो र मतदाता भेटघाटलाई तीव्रता दिइने

अजयबाबुको अभियानले गर्माउँदै दोलखाको चुनावी माहोल

रहेनन् बालेनको प्रचारमा हिँडेका पत्रकार दिनेश सिटौला, के हो घटना…

मधेसमा झन् बढ्यो गगन थापाको लोकप्रियता

प्रचण्डलाई विप्लवको जवाफ– विचलनकारीले एकताको अपिल गरेको सुहाउँदैन