संसदमा रास्वपाको अवरोध कायमै, पेलेर अघि बढे सभामुख

काठमाडौं । भिजिट भिसा प्रकरणमा मुछिएका गृहमन्त्री रमेश लेखकमाथि उच्चस्तरीय छानबिन माग गर्दै आएको रास्वपाले सदनमा अवरोध जारी राखेको छ ।

शनिबा्र पनि बैठक सुरु हुन साथ रास्वपा र राप्रपा सांसदहरूले अवरोध गरेका हुन् । त्यसपछि सभामुखले रास्वपाका सुमना श्रेष्ठलाई बोल्न समय दिए ।

उनले विगतदेखि नै आफूहरूले भिजिट भिसाका नाममा भइरहेको मानव तस्करी छानबिन गर्न माग गरिरहेको बताए । उनले उच्चस्तरीय वा संसदीय छानबिन समिति केही नबनेको र त्यो कुरा सरकारले नसुनेको भन्दै सरकार कसका लागि भन्दै प्रश्न गरिन् ।

त्यस्तै, राप्रपाकी रोशन कार्कीले पनि भिजिट भिसामार्फत हुने सबै अवैध असुली तथा मानव तस्करी प्रकरणमा उच्चस्तरीय छानबिन हुनुपर्ने अडान दोहोर्‍याइन् । उनले एक दिनमै ५० लाखदेखि एक करोड मान्छे बेचेर कमाउने ? पैसा आउँछ भन्दैमा देश पनि बेच्ने ? भन्दै प्रश्न गरिन् ।

त्यसपछि पनि रास्वपा र राप्रपा सांसदहरूलाई आशणग्रहण गरेर सभा सञ्चालनका लागि सहयोग नगरेपछि सभामुख कार्यसूचीमा अघि बढेका छन् । शनिबार विनियोजन विधेयकमाथि छलफल गर्ने कार्यसूची छ ।

थप समाचार

चितवनमा बस र इभी गाडी ठोक्किँदा ७ जनाको मृत्यु, १८…

काठमाडौं उपत्यकामा खानेपानीको अभाव हुँदैनः मन्त्री यादव

पूर्वपश्चिम राजमार्गअन्तर्गत दुम्कीबास सडक अनिश्चितकालका लागि बन्द

रास्वपाको कविन्द्र बुर्लाकोटी महामन्त्री, प्रवक्तामा मनिष झा

जेठमा थपियो ३२ अर्ब ऋण

प्रतिनिधिसभाको बैठक बस्दै, प्रधानमन्त्रीसँग प्रश्नोत्तर