अमेरिकाको टेक्ससमा रुकुम बाँफिकोटका दीपक वलीको हत्या

खोज पत्रिका सोमवार, २०८१ साउन १४, ०९ :५५ बजे

काठमाडौं । अमेरिकाको टेक्ससमा लुटेराहरूको एक समूहले नेपालीको हत्या गरेका छन् ।

टेक्ससको वेको सिटी नजिक हाइवे–३५ को मा अवस्थित ग्यास स्टेशनमा काम गर्ने ३० वर्षीय दीपक वलीको हत्या भएको स्थानीय सञ्चारमाध्यमले जनाएका छन् । उनी रुकुम बाफीकोटका स्थानीय हुन् ।

बिहान ५ बजे उनको गोली हानी हत्या भएको बताइएको छ । हत्यामा तीन जना लुटेराको समूह संलग्न थियो । अधिकारीहरुका अनुसार घटनाको बारेमा उनको परिवारलाई जानकारी गराइसकिएको छ । अहिले घटनाको अनुसन्धान भइरहेको बताइएको छ ।