भारतीय प्रधानमन्त्री मोदीलाई जुन २२ मा अमेरिकी कांग्रेसको संयुक्त बैठकलाई सम्बोधन गर्न निमन्त्रणा

वासिङ्टन । संयुक्त राष्ट्र अमेरिकाको कंग्रेसले भारतीय प्रधानमन्त्री नरेन्द्र मोदीलाई जुन २२ मा भ्रमणका क्रममा प्रतिनिधि सभा र सिनेटको संयुक्त बैठकलाई सम्बोधन गर्न निमन्त्रणा गरेको छ । हाउस स्पीकर केभिन म्याकार्थी, सिनेट बहुमत नेता चक शूमर, सिनेट रिपब्लिकन नेता मिच म्याककोनेल र हाउस डेमोक्रेटिक नेता हाकिम जेफ्रिजले मोदीलाई निमन्त्रणा पत्र लेखेको छन् । उक्त पत्रमा मोदीको सम्बोधनले भारतको अमेरिका प्रति दृष्टिकोण र दुवै देशहरूले सामना गर्ने विश्वव्यापी चुनौतीहरूको बारेमा आफ्नो दृष्टिकोण प्रस्तुत गर्ने अवसर हुने बताइएको छ ।

राष्ट्रपति जो बाइडेन र प्रथम महिला जिल बाइडेनको निमन्त्रणामा प्रधानमन्त्री मोदीले जुन २२ मा अमेरिकाको भ्रमण गर्ने कार्यक्रम छ। पत्र अनुसार सात वर्ष पहिले कंग्रेसको संयुक्त बैठकमा भारतीय प्रधानमन्त्री मोदीको ऐतिहासिक सम्बोधनले राम्रो प्रभाव छोडेको बताइनु साथै दुई राष्ट्रहरू बीचको मित्रतालाई अझ प्रगाढ भएको दाबी गरिएको छ । ‘फेरि, हामी तपाईलाई संयुक्त राज्य अमेरिका र भारत बीचको स्थायी मित्रतालाई मजबुत बनाउन कंग्रेसको संयुक्त बैठकमा तपाईको सम्बोधन सुन्न पाउँदा सम्मानित हुनेछौं। हामी हाम्रा देशहरू र भारतको लागि उज्ज्वल भविष्य निर्माण गर्न सँगै काम गर्न जारी राख्न तत्पर छौं।’ पत्र लेखिएको छ ।

यसैबीच, ह्वाइट हाउसले प्रधानमन्त्री नरेन्द्र मोदीको अमेरिका भ्रमणले अमेरिका र भारतबीचको गहिरो, घनिष्ठ साझेदारीलाई पुनः पुष्टि गर्ने अवसर हुने बताएको छ। ह्वाइट हाउसका प्रेस सेक्रेटरीले मोदीको भ्रमणले अमेरिका–भारत स्वतन्त्र, खुला, समृद्ध र सुरक्षित इन्डो—प्यासिफिकको साझा प्रतिबद्धता र रक्षा, स्वच्छ ऊर्जा र अन्तरिक्ष लगायत रणनीतिक प्रविधि साझेदारीको मूल्याङ्कन गर्ने साझा संकल्पलाई बलियो बनाउनेछ।

प्रतिनिधि सभा र सिनेटको संयुक्त बैठकलाई सम्बोधन गर्न आमन्त्रित गर्ने प्रधानमन्त्री मोदी तेस्रो नेता हुन्। यसअघि बेलायतका पूर्व प्रधानमन्त्री विन्स्टन चर्चिल ९विश्व युद्धको सन्दर्भमा० र अफ्रिकाका पूर्व राष्ट्रपति नेल्सन मण्डेला हुन् । सिनेट इन्डिया ककस एक द्विदलीय गठबन्धन हो जसले संयुक्त राज्य अमेरिका र भारत बीचको सम्बन्धलाई बढावा दिन्छ।

थप समाचार

सबैलाई निर्वाचनमा भाग लिने वातावरण बनाउन सरकारले आवश्यक कदम चालोस्ः…

सौराहामा रास्वपाको विस्तारित बैठक शुरु (तस्बिरसहित)

बाबुराम भट्टराईको छलफलमाः जनार्दन शर्मादेखि डिपी अर्यालसम्म

सुधनले मागे गृहमन्त्रीको राजीनामा, जेन–जीको माग पूरा नभए चुनाव हुन…

गृहमन्त्री अर्यालद्वारा पूर्वराष्ट्रपति भण्डारीसँग भेटवार्ताः आन्दोलनमा जलेको घरको निरीक्षण

समाजवादीसँगको एकता ऐतिहासिक र असाधारणः संयोजक दाहाल