पत्रकार सामी अब्राहमलाई अपहरण गरेको परिवारको दाबी

कराची । वरिष्ठ पत्रकार सामी अब्राहमलाई मे २४ मा इस्लामाबादबाट अज्ञात व्यक्तिहरू अपहरण गरी लगेको पारिवारले दाबी गरेका छन् । उनको अवस्था अझै पनि अज्ञात रहेको छ । अब्राहमलाई प्रहरीले पक्राउ गरेको स्रोतले बताएको छ, तर राजधानी प्रहरीले जारी गरेको विज्ञप्तिमा उनीहरूले पत्रकारको परिवारलाई सहयोग गर्ने र उनको खोजी गर्न कुनै कसर बाँकी नराख्ने बताएको छ।

अब्राहमका भाइ अली रजाले आबपारा प्रहरी चौकीमा अपहरणको उजुरी दिएका छन् । निवेदनका अनुसार अब्राहमलाई बोल टिभी अफिसबाट निस्किएर घर जाँदै गर्दा राति ९ बजे सेक्टर जी–६ स्थित सिक्सथ एभिन्यूको सर्भिस रोडमा चारवटा कारले रोकेको थियो । आठदेखि दश जना अपरिचित व्यक्तिले गाडीबाट निस्केर उनलाई जबरजस्ती लिएर गएको बताइएको छ ।

घटनाको समयमा अब्राहमका चालक अरशद उनीसँगै थिए। ती मानिसहरूले चालकलाई छोडेर अब्राहमलाई आफूसँगै लगे । ती व्यक्तिहरूले चालक र अब्राहमका तीनवटा मोबाइल फोन र कारको चाबी पनि लिएर गएको निवेदनमा उल्लेख छ।

थप समाचार

रसुवा बाढीः प्रभावकारी उद्धारका लागि कांग्रेसले गरायो सरकारको ध्यानाकर्षण

रसुवामा बाढीः उद्धार र राहतमा सहभागी हुन नेता–कार्यकर्तालाई प्रचण्डको निर्देशन

धादिङको त्रिशूली नदीमा २ जनाको शव भेटियो

रसुवा बाढीमा ६ जना चिनियाँ नागरिकसहित १८ जना सम्पर्कविहीन, ९…

स्पेनी लगानीकर्तासँग प्रधानमन्त्री ओलीले भने, नेपालमा लगानी गर्नुस्

पत्रकार दिलभूषण पाठक जिल्ला अदालत उपस्थित