नेपाली राष्टिय क्रिकेट टिमका सदस्यलाई जनही ६ लाख दिने सरकारको घोषणा

खोज पत्रिका बिहिबार, २०८० बैशाख २१, ०० :४४ बजे

काठमाडौं । एसीसी प्रीमीयम कप विजेता नेपाली क्रिकेट टोलीलाई सरकारले जनही ६ लाख रुपैया दिने निर्णय गरेको छ । वुधबार बसेको मन्त्रिपरिषदको वैठकले खेलाडी र अफिसियललाई पुरस्कारस्वरुप नगद दिने निर्णय गरेको हो । खेलकुद पुरस्कार कार्यविधि अनुसार एसीसी प्रिमियर कप क्रिकेट विजेता खेलाडीलाई जनही ५ लाख रुपैयाँ पुरस्कार पाउने थिए ।

मन्त्रिपरिषदले कार्यविधिमा भएको भन्दा १ लाख बढाएर पुरस्कार घोषणा गरेको हो । मंगलबार भएको फाइनलमा यूएईलाई हराउँदै नेपाल एसीसी प्रिमियर कप विजेता बनेर एसिया कप क्रिकेटमा छनोट भएको थियो । केहि समय अगाडि भएको विश्वकपको ग्लोवल छनोट को उपाधी जितेपछि सरकारले ३ लाख प्रोत्साहन रकम दिएको थियो ।

नेपाली क्रिकेट इतिहासमै राष्ट्रिय क्रिकेट टिमले पाएको अहिलेसम्मकै ठुलो उपलब्धीका रुपमा एसीसी प्रिमियर कपको उपाधि रहेको छ । यसअघि विश्वकपको ग्लोवल छनोटदेखि एसीसी प्रीमीयर कपमा नेपालको प्रदर्शन उत्कृष्ट रहेको थियो । खेलाडीका लागि सरकारले दिएको नगद पुरस्कारले खेलाडीको मनोवल बढ्ने बढ्ने भएपनि सरकारले खेलाडीलाई उचित मासिक रकम व्यवस्थापन गर्नुपर्नुे खेलप्रेमीहरु बताउँछन् ।

क्रिकेटमा यति ठुलो फड्को मारिसक्दा नेपालमा भने अहिलेसम्म अन्तर्राष्ट्रिय क्रिकेट मैदानको अभाव छ । त्रिभुवन विश्वविद्यालयको मैदानबाहेक केहीसमयअघि मात्रै मुलपानीमा मैदान तयार भएको छ । तर मैदानमा रातीको समयमा खेल्न मिल्ने फ्लडलाइटको समेत व्यवस्था हुन सकेको छैन । बुधबार भने सरकारले किर्तिपुर मैदानलाई अन्तर्राष्ट्रियस्तरको बनाउन बजेट विनियोजन गर्ने निर्णय समेत गरेको छ ।