मानव अधिकार आयोगद्वारा पाकिस्तानलाई नागरिकको स्वतन्त्रता रक्षा गर्न आग्रह

काठमाडौं । ग्वादरमा भर्खरै भएको जनप्रदर्शनलाई मध्यनजर गर्दै पाकिस्तानको मानव अधिकार आयोग (एचआरसीपी) ले बलुचिस्तानलाई दोस्रो दर्जाको रुपमा पाकिस्तान लिएको नीतिलाई पुर्नविचार गर्न पाकिस्तान सरकारलाई आग्रह गरेको छ । उक्त विरोध प्रदर्शनको क्रममा एक प्रहरीको मृत्यु भएको छ ।

यसको साथै आयोगले एक विज्ञप्ति जारी गर्दै प्रान्तीय सरकारलाई भीड नियन्त्रणको प्रभावकारी विधिहरूमा ध्यान केन्द्रित गरेर शान्तिपूर्ण भेलाको स्वतन्त्रताको अधिकारको रक्षा गर्न आग्रह गरेको छ । यस्तै, प्रदर्शनकारीहरूसँग वार्ता गर्ने र उनीहरूको मागहरूको निष्पक्ष सुनुवाइ गर्ने जिम्मेवारी प्रान्तीय सरकारको भएकाले यसलाई वार्ताबाट समाधान गर्न समेत आयेगले आग्रह गरेको छ ।

सुरक्षा, आन्दोलनको स्वतन्त्रता र शान्तिपूर्ण भेलाको अधिकार, स्वच्छ पानीमा पहुँच, शिक्षा र स्वास्थ्य सेवा, जीविकोपार्जनको अधिकार पाकिस्तानका कुनै पनि नागरिकको नैसर्गिक अधिकार भएकाले यसमा ध्यान दिन पाकिस्तान सरकारलाई आग्रह गरेको छ ।

थप समाचार

रूस–युक्रेन युद्धको प्रभावबीच जी–२० अर्थमन्त्रीहरूको बैठक सकियो

रुसी नौसेना र आणविक शक्ति निरन्तर बलियो बन्दैछ : पुटिन

सन् २०२६ को पहिलो ६ महिनामा चीनको वैदेशिक व्यापारमा १६.९…

इरानसँगको सम्झौता समाप्त भएको अमेरिकी राष्ट्रपति ट्रम्पको दाबी

विजयको सरकार गठनका लागि तमिलनाडुमा जुट्यो बहुमत

अमेरिकी–इजरायली आक्रमणमा ६ सय भन्दा बढी इरानी विद्यालयहरू क्षतिग्रस्त