रुकुमको बाँफिकोट गाउँपालिकाको अध्यक्षमा जनक र उपाध्यक्षमा नन्दाको नाम कांग्रेसले गर्यो सिफारिस

खोज पत्रिका सोमवार, २०७८ चैत्र २८, १७ :३३ बजे

काठमाडौं । बैशाख ३० गते हुने स्थानीय तहको चुनावको लागि नेपाली काँग्रेस बाँफिकोट रुकुम पश्चिमले पार्टीको तर्फबाट अध्यक्षका लागि जनक कुमार बाँठामगर र उपाध्यक्षमा नन्दा केसी नाथलाई उम्मेदवार बनाउने निर्णय गरेको छ ।

सोमबार नेपाली काँग्रेस बाँफिकोट गाउँ कार्यसमितिको छिन्खेतमा बसेको बैठकले अध्यक्षमा जनक कुमार बाँठामगर सहित उपाध्यक्षमा नन्दा केसी नाथलाई उम्मेदवार बनाउने सर्वसम्मत निर्णय गरेको हो । दुबै जनाको नाम सोमबार नै जिल्ला कार्यसमितिमा सिफारिस गरिएको छ ।

वडा अध्यक्ष र सदस्यको भने केहि दिनमा सर्वसम्मत निर्णय गरेर सिफारिस गरिने बताइएको छ । अध्यक्षमा सिफारिस भएका बाँठामगर हाल नेपाली काँग्रेस बाँफिकोट गाउँपालिकाको सभापति हुन् भने केसी नेपाल महिला संघ बाँफिकोटको सभापति हुन् ।

बाँठामगर २०७४ सालको स्थानीय तहको निर्वाचनमा एमालेसँग गठबन्धन गरे कांग्रेसका तर्फबाट अध्यक्षको उम्मेदवार थिए । उनले माओवादी केन्द्रका धर्मबहादुर केसीसँग पराजित भएका थिए ।