प्रतिनिधिसभा विघटन मुद्दा संवैधानिक इजलासमा सुनुवाइ जारी

खोज पत्रिका बिहिबार, २०७८ असार १०, १२ :२० बजे

काठमाडौं । संसद विघटनविरुद्ध परेका रिटमाथिको सुनुवाई सर्वोच्च अदालतको संवैधानिक इजलासमा आजपनि जारी छ । मुद्धामा अधिवक्ताहरुले तोकिएको समय बमोजिम आजपनि बहस गर्नेछन् । नेपाली कांग्रेस संसदीय दलका नेता शेरबहादुर देउवालाई प्रधानमन्त्री नियुक्त गर्न तथा संसद विघटन बदर गर्न माग गरि १ सय ४६ सांसदका तर्फबाट दायर रिटमा निवेदकका तर्फबाट अधिवक्ताहरुले बहस गरिरहेका छन् ।

आज वरिष्ठ अधिवक्ताहरु रमन श्रेष्ठ, हरिहर दाहाल, दिनमणि पाखरेल, सुनिल पोखरेललगायतले बहस गर्नेछन् । प्रत्येकलाई एक–एक घण्टाको समय दिइएको छ । बुधबारको बहसमा निवेदकको तर्फबाट बहस गर्ने अधिवक्ताहरुले राष्ट्रपतिको भूमिकालाई लिएर गम्भीर प्रश्न खडा गरेका थिए । राष्ट्रपति विद्यादेवी भण्डारीले संविधानको उल्लंघनमा प्रधानमन्त्री केपी ओलीभन्दा बढि भूमिका खेलेको उनीहरुको जिकीर थियो ।

क्याटेगोरी : प्रमुख समाचार, राजनीति, समाचार
ट्याग : #संवैधानिक इजलास