नेकपा नेतृ रामकुमारी झाँक्री पक्राउ, राज्यविरुद्धको कसुर गरेको आरोप

काठमाडौं । नेकपा प्रचण्ड–नेपाल समूहकी केन्द्रीय सदस्य रामकुमारी झाँकीलाई प्रहरीले पक्राउ गरेको छ । महानगरीय अपराध महाशाखाबाट खटिएको प्रहरीको टोलीले नेतृ झाँक्रीलाई शंखमुलस्थित निवासबाटै पक्राउ गरेको हो । रामकुमारीलाई राज्यविरुद्धको कसुरअन्तर्गत दफा ५८ को कसुरमा अनुसन्धान गर्ने गरी पक्राउ गरिएको प्रहरीले जनाएको छ । राज्यविरूद्धको कसुर दफा ५८ मा बलप्रयोग गरी वा नगरी राष्ट्रपति वा संसद्‍लाई कुनै किसिमको धम्की दिने वा डर त्रास देखाउने वा दवाब दिने सम्बन्धी कसुर छ ।

राज्यविरूद्धको सजाय निर्धारणसम्बन्धी सर्वोच्चले बनाएको मार्गदर्शनले यस्तो कसुरमा ४ देखि ७ वर्षसम्म कैद वा ७० हजार रुपैयाँ जरिवाना वा दुवै सजाय हुनसक्ने व्यवस्था गरेको छ । प्रहरीले पक्राउ पूर्जी थमाएपछि नेतृ झाँक्रीले कानुनलाई सम्मान गर्ने भन्दै गिरफ्तारी दिन सहमत भएकी थिइन ।

गिरफ्तारी दिनुअघि नेतृ रामकुमारी झाँक्रीले सरकारले अभिव्यक्ति स्वतन्त्रतामा अंकुश लगाउने प्रयास गरेको आरोप लगाएकी छिन् । नेतृ झाँक्रीले आफ्नै निवासबाट गिरफ्तारी दिन लागेको बताउँदै नेता–कार्यकर्तालाई सहयोग र समर्थनका लागि धन्यवाद दिएकी छिन् । उनको निवासमा पुगेका कार्यकर्ताले सरकार बिरुद्ध चर्को नारावाजी गरेका छन् ।

थप समाचार

सरकारबिरुद्ध विपक्षी दल फेरि एक ठाउँ, संसद अधिबेशन आह्वानको माग

निष्पक्ष छानबिन गर्न सम्बन्धित निकायलाई सर्बोच्चको पूर्ण बैठकको चुनौती

गगनले भने– तर्साउने धेरै आए, तर्सिने बानी परेन

प्रधानमन्त्रीले भने– एक, दुई जना उम्किन्छु भनेर सपना नदेखे हुन्छ

सर्वोच्चको न्यायाधीशमा सिफारिस चार जनाविरुद्ध आठ उजुरी

सरकारका कारण कर्मचारी, व्यवसायी सब थुरथुर भएः गगन थापा