रुकुमपश्चिमको आठविसकोटमा कांग्रेस र नेकपाका कार्यकर्ताबीच झडप,अनिश्चितकालीन निषेधाज्ञा जारी

रुकुमपश्चिम । जिल्लाको आठविसकोट नगरपालिका राडीबजारमा अनश्चितकालीन निषेधाज्ञा जारी गरिएको छ । जिल्ला प्रशासन कार्यालयले अर्को सूचना नभएसम्मका लागि मंगलबार ५ बजदेखि निषेधाज्ञा लगाएको हो । नेपाली कांग्रेस र नेकपा प्रचण्ड माधव समूहका कार्यकर्ताबीच झडप भएपछि निषेधाज्ञा जारी गरिएको हो ।

प्रमुख जिल्ला अधिकारी बद्रीनाथ गैह्रेले चार किल्ला तोकेर निषेधाज्ञा आदेश जारी गरेका हुन् । पूर्वमा घारीखोला, पश्चिममा ठूलीभेरी, दक्षिणमा सिमबजार र उत्तरमा दाँजेबाट कोही पनि राडीबजार भित्रन नपाउने गरी निषेधाज्ञा लगाइएको हो । आठबीसकोट नगरपालिकाको ९ नम्बर वडा राडीबजारमा केही समूहबाट अनावश्यक भेला हुने अवाञ्छित गतिविधिहरु गरी शान्ति भंग हुनेगरी हुलदंगा वा अशान्ति सिर्जना गर्न खोजिरहेकाले निषेधाज्ञा गरिएको प्रशासन कार्यालयले जनाएको छ ।

राडीबजारमा नेकपा र नेपाली कांग्रेसका कार्यकर्ताबीच दिनभर झडप भएको थियो । दिनभर झडप भएपछि राडीबजारमा तनाव उत्पन्न भएको छ । स्थिति नियन्त्रणमा लिन प्रहरीले ९ राउण्ड हवाई फायर समेत गरेको थियो । जिल्ला सदरमुकामबाट समेत थप सुरक्षाकर्मी राडीबजार पठाइएको छ ।

थप समाचार

सरकारबिरुद्ध विपक्षी दल फेरि एक ठाउँ, संसद अधिबेशन आह्वानको माग

निष्पक्ष छानबिन गर्न सम्बन्धित निकायलाई सर्बोच्चको पूर्ण बैठकको चुनौती

गगनले भने– तर्साउने धेरै आए, तर्सिने बानी परेन

प्रधानमन्त्रीले भने– एक, दुई जना उम्किन्छु भनेर सपना नदेखे हुन्छ

सर्वोच्चको न्यायाधीशमा सिफारिस चार जनाविरुद्ध आठ उजुरी

सरकारका कारण कर्मचारी, व्यवसायी सब थुरथुर भएः गगन थापा