सानेपामा प्रतिपक्ष दलहरुको बैठक

काठमाडौं १० बैशाख । सरकारले दुई अध्यादेश ल्याएपछि रुष्ट बनेका प्रतिपक्षी दलहरुको बैठक नेपाली कांग्रेसको पाटी कार्यालय सानेपामा बसिरहेको छ । प्रमुख प्रतिपक्ष कांग्रेसले सरकारले जारी गरेको दुई अध्यादेशका विषयमा समान धारणा तय गर्न बिभिन्न दलहरुसंग छलफल गर्न लागेको हो । छलफलमा प्रमुख प्रतिपक्षी दल नेपाली कांग्रेसका सभापति शेरबहादुर देउवासहित समाजवादी पार्टी नेपाल, राजपा र राप्रपाका शीर्ष नेताहरुको सहभागिता रहेको छ । नेताहरुले प्रधानमन्त्री केपी ओलीले दुई वटा अध्यादेश हतारमा ल्याएर राष्ट्रपतिबाट जारी गराउनु गम्भीर गल्ती भएको टिप्पणी गरेका छन् ।

नेकपा बाहेक अरु दलले अध्यादेश फिर्ता लिन माग गर्दै विरोध गर्दै आएका छन् । नेकपाभित्र पनि अध्यादेशप्रति तीव्र असन्तुष्टि देखिएको छ । सरकारले संवैधानिक परिषद सम्बन्धी ऐनमा विपक्षी दलको नेताविनै निर्णय गर्न सक्ने र राजनीतिक दल सम्बन्धी ऐनमा पार्टी विभाजनको प्रावधान खुकुलो बनाउने गरी अध्यादेश जारी गरेको थियो । अध्यादेशबारे प्रतिपक्ष मात्रै होइन नेकपाभित्रै बिवाद देखिएको छ ।

थप समाचार

२१ निर्वाचन क्षेत्रमा पार्टीभित्र ठूलो अन्तर्घातले काँग्रेस पराजित भयो

निर्वाचन आयोगद्वारा प्रधानमन्त्री कार्कीसमक्ष निर्वाचन प्रतिवेदन पेश

गगन थापाको राजीनामा अस्वीकृत,यी हुन् अस्वीकृत गर्ने आधारहरू

रविलाई बालुवाटारमा प्रधानमन्त्रीले भनिन्– देश रोएको छ, सम्हालिएर अघि बढ्नू

‘फेवातालको किनारबाट सिंहदरबारलाई अल्टिमेटमः ‘भाषणको रेल होइन, बाँच्ने आधार चाहियो’

पूर्वप्रधानमन्त्री देउवा सिंगापुरबाट हङकङ प्रस्थान