११ खर्ब ६ अर्ब ३४ करोड बेरुजु रहेको महालेखाको निष्कर्ष

काठमाडौं २९ चैत । महालेखा परीक्षकको कार्यालयले शुक्रबार ५६ औँ वार्षिक प्रतिवेदन राष्टपति बिद्यादेवी भण्डारीलाई बुझाएको छ । प्रतिवेदनमा बेरुजुको अद्यावधी गरी टुंगो लगाउनु पर्ने रकम गत वर्षको तुलनामा यसबर्ष बढेको उल्लेख गरिएको छ । त्यसैगरी महालेखा परीक्षकले प्रतिव्यक्ति ऋणसमेत वृद्धि भएको देखाएको छ । यस वर्ष नेपालीहरुको प्रतिव्यक्ति ऋणभार ३१ हजार ७ सय ५० रुपैयाँ पुगेको छ । महालेखा परीक्षकको कार्यालयका अनुसार यो रकम गत वर्षभन्दा ७ हजार ४३ रुपैयाँले बढी हो । महालेखाले यस वर्ष ६ हजार ६ सय ४४ निकायको ५१ खर्ब ६० अर्ब ९२ करोडको लेखापरीक्षणमा ११ खर्ब ६ अर्ब ३४ करोड बेरुजु भएको देखाएको छ । यो रकम गत वर्षको तुलनामा ५ दशमलब २९ प्रतिशत बढी बेरुजु रकम हो । महालेखाले संघीय सरकारी कार्यालयको ४ हजार ८ सय ४१, प्रदेश सरकारी कार्यालय ६८, स्थानीय तह ७ सय ४७ र समिति र अन्य ८ सय ६२ संस्था र संगठित संस्थान प्रतिष्ठानलगायत नेपाल सरकारको स्वामित्वका ९९ संस्थानको लेखा परीक्षण गरिएको थियो । यो वर्ष ७ प्रदेशको २ अर्ब ६२ करोडको लेखापरीक्षणमा १९ करोड ५१ लाख अर्थात् ७ दशमलब २५ प्रतिशत बेरुजु देखिएको छ । त्यसैगरी, ७ सय ४७ स्थानीय तहको ५ अर्ब ७१ अर्ब ५१ करोडको लेखापरीक्षणबाट २४ अर्ब १४ करोड बेरुजु देखिएको छ । प्रदेश सरकारी कार्यालयको बेरुजु सबैभन्दा बढी ७ दशमलब २५ प्रतिशत रहेको देखाएको छ । यस वर्ष २२ विषयको कार्यमुलक, ३ विषयको सूचना प्रविधि, एउटा वातावरणीय र दुई विषयको विशेष लेखापरीक्षण सम्पन्न गरिएको महालेखाले जनाएको छ । महालेखासँग परामर्श लिएर नेपाल सरकारका विभिन्न ३० वटा संस्थाले लेखापरीक्षण गरेका छन् । ती संस्थाको ७ खर्ब ३९ अर्ब ८० करोडको लेखा परीक्षण भएको हो । जसमा यस वर्ष ५९ खर्ब ७२ करोडको लेखापरीक्षण भएको छ । यसमध्ये १८ सय ५४ वटा कार्यालयको लगती असुल गर्नुपर्ने बेरुजु नदेखिएको महालेखाले जनाएको छ । सरकारी कार्यालयतर्फ १ खर्ब ६ अर्ब ३३ करोड ८० लाख बेरुजुमध्ये ३२ अर्ब ३ करोड ५२ लाख रुपैयाँ असुल गर्नु पर्ने बेरुजु देखिएको छ । त्यसैगरी प्रदेश सरकारी कार्यालयतर्फ नियमित पेश्की र असुल गर्नुपर्ने गरी १९ करोड ५१ लाख र स्थानीय तहमा २४ अर्ब १४ करोड १६ लाख बेरुजु देखिएको छ । यस वर्ष गत वर्षसमेत अद्यावधी गरी ३ खर्ब ७७ अर्ब ४८ करोड बेरुजु देखिएको छ ।

थप समाचार

संवैधानिक आयोगका ५२ पदाधिकारी नियुक्तिबारेको फैसला आज आउने

माधव नेपालको पदलोलुपता ज्यादै अशोभनीयः सूर्य थापा

नेपाल वायुसेवा निगम ६८ औँ वर्षमा प्रवेश, आर्थिक रूपमा धराशायी,…

स्पेनका समकक्षीद्वारा आयोजित रात्रिभोजमा प्रधानमन्त्री सहभागी

कुलिङ पिरियडमा गरिएको हेरफेर संसदको अपमान भयोः शेखर कोइराला

जलवायु वित्त र दिगो कृषि प्रणालीमा सहयोग गर्न परराष्ट्रमन्त्री राणाको…