दलित महिलालाई मोसो दल्ने जनही चार हजारमा रिहा

विराटनगर १६ चैत । ऋण फिर्ता माग्दा दलित महिलालाई मोसो दलेर सार्वजनिक ठाउँमा कुटपिट गर्नेहरू चार हजार धरौटीमा रिहा भएका छन् । जिल्ला प्रशासन कार्यालय मोरङले पारस लिम्बू, फिफराज लिम्बू, गोमा खड्का, उषा लिम्बू, विमला लिम्बू, प्रमिला लिम्बू र पथरी शनिश्चरे नगरपालिकाका बोर्ड सदस्य गीता विश्वकर्मालाई शुक्रबार जनही चार हजार धरौटीमा छोडेको हो । उनीहरूले पथरी शनिश्चरे नगरपालिका–८ दोलु शुक्रबारे गाउँकी ३० वर्षीया शारदा बराइलीलाई ५ चैतमा गाउँकै चौतारोमा लगेर मोसो दल्दै कुटपिट गरेका थिए । ऋण लिएको दुई लाख रुपैयाँ माग्दा छिमेकी पारस लिम्बूको समूहले शारदालाई चरित्रहीनको आरोप लगाउँदै कुटपिट गरेको थियो । घटनामा संलग्न ओमनाथ बराइली, यशोदा थापा र ओममनी लिम्बू र अर्का एक फरार भएको नयाँ पत्रिकाले छापेको छ ।

थप समाचार

रास्वपाको राष्ट्रिय भेलामा आजदेखि समूहगत छलफल

कांग्रेस केन्द्रीय समिति बैठक,सरकारको कामबारे समिक्षा

सबैभन्दा बढी भ्रष्टचार स्थानीय तहमा

नेपाल रेडक्रसमा ५१ करोड हिनामिनाको आरोप

काफलवाली सम्मानित, काफल बेचेरै ७५ हजार कमाई

चुरोट, मदिरा,पेट्रोलियम, खाद्यपदार्थ तथा सिमेन्ट र रडमा मूल्यवृद्धि