नातिको अन्त्येष्टिमा सहभागी हुन जेलबाट छुट

खोज पत्रिका आइतवार, २०७५ फाल्गुन १९, ०१ :३६ बजे

भ्रष्टाचारको आरोपमा जेलमा रहेका ब्राजिलका पूर्व राष्ट्रपति लुइस इनासियो लुला डा‍ सिल्भा आफ्नो नातिको अन्त्येष्टिका लागि जेलबाट विदा पाउने भएका छन्। शुक्रबार सात वर्षीय नातिको मेनिन्जाइटिसबाट मृत्यु भएको थियो। १२ वर्षको कैद सजाय भोगिरहेका लुलालाई आज हुने नातिको अन्तिम संस्कारका लागि साउ पाउलो जाने अनुमति दिन लागिएको अधिकारीहरूले जनाएका छन्।

अदालतले भ्रष्टाचारको अभियोगमा जेल फैसला गरे पनि पूर्व राष्ट्रपति लुलालाई राजनीतिक प्रतिशोधका कारण जेल हालिएको भन्दै विरोध हुँदै आएको छ। गत जनवरीमा भाइको अन्त्येष्टिमा भने लुला जान पाएका थिएनन्। परना राज्य सरकारले लुलाई नातिको अन्तिम संस्कारमा जाने अनुमति दिएको बीबीसीले उल्लेख गरेको छ।

क्याटेगोरी : विदेश