किन जाँदैछन् प्रधानमन्त्री ओली युरोप भ्रमणमा

काठमाडौं २५ जेठ । प्रधानमन्त्री केपी शर्मा ओली एकसाता लामो युरोप भ्रमणमा शनिबार जाँदै छन् । प्रधानमन्त्री ओलीको भ्रमण दुई पक्षीय हितमा हुने बताइएको छ । प्रधानमन्त्रीको भ्रमणले बेलायत, स्विजरल्यान्ड र फ्रान्ससँगको सम्बन्धका आधार र सहकार्यलाई प्राथमिकतामा दिइने छ । प्रधानमन्त्रीले जेठ २७ गते जनेभामा आयोजना हुन अन्तराष्टिय श्रम सङ्गठन आईएलओको शतवार्षिकीको अवसरमा चौथो वक्ताकारुपमा सम्बोधन गर्ने कार्यक्रम छ । त्यस समारोहमा ४० देशका राष्ट्र तथा सरकार प्रमुखको सहभागिता हुनेछ । जेनेभामा रहँदा ‘साइडलाइन’मा प्रधानमन्त्रीले केही द्विपक्षीय भेटघाट गर्ने कार्यक्रम समेत रहेको छ । त्यस्तै जेठ २७ साँझदेखि नै प्रधानमन्त्रीले बेलायतको भ्रमणमा निस्किनेछन् । त्यसैगरी उनी जेठ २९ गतेसम्म बेलायतको भ्रमणमा जानेछन् । प्रधानमन्त्रीले बेलायतको अक्सफोर्ड विश्वविद्यालयमा जेठ २७ गते साँझ आयोजना गरिने एक विशेष समारोहलाई सम्बोधन गर्ने कार्यक्रम पनि तय भएको छ । बेलायतमा केही उच्चस्तरीय भेटघाट पनि गर्ने कार्यक्रम छ । त्यस्तै, प्रधानमन्त्री ओलीले बेलायतको भ्रमणपछि जेठ २९ देखि ३१ गतेसम्म फ्रान्सको औपचारिक भ्रमण गर्नेछन् । सो अवसरमा प्रधानमन्त्रीले फ्रान्सेली समकक्षी इडोर्ड फिलिपसँग द्विपक्षीय भेटवार्ता गर्ने कार्यक्रम तय भएको छ ।

थप समाचार

कांग्रेसले निर्वाचनको समीक्षा गर्न चैत पहिलो साताभित्रै केन्द्रीय कार्यसमिति बैठक…

ओलीलाई समवेदना दिँदै बालेनः पिताजस्तो रक्षक, गुरु र देवता कोही…

दुबई एयरपोर्टमा अलपत्र २७२ नेपालीलाई ल्याइयो, आज पनि उद्धार उडान

आजदेखि आधा सिलिन्डरमात्र ग्यास पाइने, मूल्य ९५५

तेल ढुवानीको प्रमुख जलमार्ग ‘स्ट्रेट अफ होर्मुज’मा अवरोध जारी राख्ने…

एमाले अध्यक्ष केपी शर्मा ओलीलाई पितृशोक